ಮುಂಬೈ, ಆ29     ಮಾಜಿ ಕೇಂದ್ರ ಸಚಿವ,  ಹಿರಿಯ  ಕಾಂಗ್ರೆಸ್ ನಾಯಕ ಪಿ. ಚಿದಂಬರಂ ಅವರ ಬಂಧನ  ಒಳ್ಳೆಯ ಸುದ್ಧಿ  ಎಂದು  ಐಎನ್ಎಕ್ಸ್ ಮೀಡಿಯಾ ಸಹ ಸಂಸ್ಥಾಪಕಿ ಇಂದ್ರಾಣಿ ಮುಖಜರ್ಿ ಪ್ರತಿಕ್ರಿಯಿಸಿದ್ದಾರೆ.  

ತಮ್ಮ ಮಗಳು ಶೀನಾ ಬೋರಾ ಹತ್ಯೆ ಪ್ರಕರಣದಲ್ಲಿ ಶಿಕ್ಷೆ ಅನುಭವಿಸುತ್ತಿರುವ ಇಂದ್ರಾಣಿ  ಮುಖರ್ಜಿ  ಇಂದು  ವಿಚಾರಣಾ  ನ್ಯಾಯಾಲಯದ ಮುಂದೆ  ಹಾಜರುಪಡಿಸಲಾಗಿತ್ತು.  ಈ ಸಂದರ್ಭದಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಆಕೆ,  ಚಿದಂಬರಂ ಅವರನ್ನು ಬಂಧಿಸಿರುವುದು  ಒಳ್ಳೆಯ ಸುದ್ದಿ. ಅವರನ್ನು ಎಲ್ಲ ಕಡೆಯಿಂದ ಬಿಗಿಗೊಳಿಸಲಾಗಿದೆ ಎಂದು ಹೇಳಿದರು.   

ಇದೇ ಪ್ರಕರಣದಲ್ಲಿ   ಕಾರ್ತ್ ಚಿದಂಬರಂಗೆ ನೀಡಿದ್ದ ಜಾಮೀನು ಕೂಡ ರದ್ದುಪಡಿಸಬೇಕು  ಎಂದು ಅವರು ಹೇಳಿದರು. 

ಐಎನ್ಎಕ್ಸ್  ಮೀಡಿಯಾ  ಹಗರಣ ಪ್ರಕರಣದಲ್ಲಿ  ಸಂಬಂಧಿಸಿದಂತೆ  ಗಂಭೀರ ಆರೋಪ ಎದುರಿಸುತ್ತಿರುವ  ಚಿದಂಬರಂ ಅವರನ್ನು   ಸಿಬಿಐ ಅಧಿಕಾರಿಗಳು ಈ ತಿಂಗಳ 21 ರಂದು ಅವರನ್ನು ಬಂಧಿಸಿದ್ದಾರೆ.  ವಿದೇಶಿ ಹೂಡಿಕೆ ಉತ್ತೇಜನ ಮಂಡಳಿ (ಎಫ್ಐಪಿಬಿ) ಮೂಲಕ ಐಎನ್ಎಕ್ಸ್ ಮೀಡಿಯಾ ಕಂಪನಿಗೆ  ಸಾಗರೋತ್ತರ ಬಂಡವಾಳ ಸ್ವೀಕರಿಸಲು ಅನುಮತಿ ಕಲ್ಪಿಸಿದ್ದ  ಸಂಬಂದ ಮಗ ಕಾತರ್ಿ ಚಿದಂಬರಂಗೆ ಸಹಾಯ ಮಾಡುವಂತೆ ಚಿದಂಬರಂ ತನಗೆ  ಮತ್ತು ಪತಿ ಪೀಟರ್ ಮುಖರ್ಜಿ ಅವರನ್ನು ಕೇಳಿಕೊಂಡಿದ್ದರು ಎಂದು ಇಂದ್ರಾಣಿ ಮುಖರ್ಜಿ   ನ್ಯಾಯಾಲಯದ ಮುಂದೆ ನೀಡಿರುವ ತಪ್ಪೊಪ್ಪಿಗೆ ಹೇಳಿಕೆಯಲ್ಲಿ  ತಿಳಿಸಿದ್ದರು.  

ಅಲ್ಲದೆ, ಐಎನ್ಎಕ್ಸ್ ಮೀಡಿಯಾ ಪ್ರಕರಣದಲ್ಲಿ  ಇಂದ್ರಾಣಿ ಮುಖರ್ಜಿ  ಅವರನ್ನು ಮಾಫಿ ಸಾಕ್ಷಿಯನ್ನಾಗಿ  ವಿಶೇಷ ನ್ಯಾಯಾಲಯ  ಪರಿಗಣಿಸಿದೆ. ಆಕೆಯ ಹೇಳಿಕೆ ಆಧಾರದ ಮೇಲೆ ಸಿಬಿಐ ಅಧಿಕಾರಿಗಳು ಚಿದಂಬರಂ ಅವರನ್ನು ಬಂಧಿಸಿದ್ದಾರೆ.