ಜಮಖಂಡಿ 10: ತಾಲೂಕಿನ ಹಿರೇಪಡಸಲಗಿ ಗ್ರಾಮದಲ್ಲಿ ಕಾನೂನು ಬಾಹಿರವಾಗಿ ಗಾಂಜಾ ಮಾರಾಟ ಮಾಡಲಾಗುತ್ತಿದೆ ಎಂಬ ಖಚಿತ ಮಾಹಿತಿಯ ಮೇರೆಗೆ ಅಬಕಾರಿ ಇಲಾಖೆಯ ಅಧಿಕಾರಿಗಳು ದಾಳಿ ನಡೆಸಿ. ಮಹಿಳೆಯೋರ್ವಳನ್ನು ಗಾಂಜಾ ಸಮೇತವಾಗಿ ಬಂಧಿಸಿದ್ದಾರೆ.  

ಅಬಕಾರಿ ಇಲಾಖೆಯ ಅಧಿಕಾರಿಗಳು ಗಸ್ತು ನಿರ್ವಹಿಸುವ ಸಮಯದಲ್ಲಿ ಮಹಿಳೆ ಲಕ್ಷ್ಮೀಬಾಯಿ ಮಹದೇವ ಮೊರೆ ಗಾಂಜಾ ಮಾರಾಟ ಮಾಡುವ ಸಮಯದಲ್ಲಿ ಸಿಕ್ಕಿಬಿದ್ದಿರುತ್ತಾಳೆ. ಬಂಧಿತ ಆರೋಪಿತಳಾದ ಮಹಿಳೆಯಿಂದ ರೂ, 25 ಸಾವಿರ ಬೆಲೆ ಬಾಳುವ 817 ಗ್ರಾಂ ಒಣ ಗಾಂಜಾ ವಶಪಡಿಸಿಕೊಳ್ಳಲಾಗಿದೆ. ಆರೋಪಿತಳನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದ್ದು. ಈ ಕುರಿತು ಪ್ರಕರಣ ದಾಖಲಾಗಿದೆ.

ಅಬಕಾರಿ ಅಪರ ಆಯುಕ್ತರು (ಅಪರಾಧ) ಕೇಂದ್ರ ಸ್ಥಾನ ಬೆಳಗಾವಿ,ಅಬಕಾರಿ ಜಂಟಿ ಆಯುಕ್ತರು (ಜಾ ಮತ್ತು ತ)ಬೆಳಗಾವಿ, ಅಬಕಾರಿ ಉಪ ಆಯುಕ್ತರು ಬಾಗಲಕೋಟ, ಅಬಕಾರಿ ಉಪ ಅಧೀಕ್ಷಕರು ಉಪ ವಿಭಾಗ ಅವರ ಮಾರ್ಗದರ್ಶನದಲ್ಲಿ ಅಬಕಾರಿ ನೀರೀಕ್ಷಕರು ಜಮಖಂಡಿ ಅವರ ನೇತೃತ್ವದಲ್ಲಿ ಅಬಕಾರಿ ಉಪನೀರೀಕ್ಷಕಿ ಸುಧಾ ಕರಿಗಾರ, ಸಿಬ್ಬಂದಿಗಳಾದ ಮೌನೇಶ ಬಡಿಗೇರ, ರಫಿಕ್ ಬಾಗವಾನ, ಮಹೇಶ ಇರಳಿ ಹಾಗೂ ಇತರರು ಸೇರಿಕೊಂಡು ದಾಳಿಯನ್ನು ನಡೆಸಿದ್ದಾರೆ ಎಂದು ತಿಳಿಸಿದ್ದಾರೆ.