ಕುಕನೂರು 07: ಪಟ್ಟಣದಲ್ಲಿ ಅತಂತ್ರ ಸಡಗರ ಸಂಭ್ರಮದಿಂದ ನೆರವೇರಿದ ಬಕ್ರೀದ ಹಬ್ಬದ ಅಂಗವಾಗಿ ಮುಸ್ಲಿಂ ಸಮುದಾಯದವರು ಕುಕನೂರ ಪಟ್ಟಣದ ಶ್ರೀ ಮಹಾಮಾಯಾ ತೇರಿನಗಡ್ಡಿಯಿಂದ ಪಾದಯಾತ್ರೆ ಮೂಲಕ ಅಲ್ಲಾಹನ ನಾಮ ಸ್ಮರಣೆ ನೆರವೇರಿಸುತ್ತಾ ಈದ್ಗಾ ಮೈದಾನಕ್ಕೆ ಹೋಗಿ ಪ್ರಾರ್ಥನೆ ಸಲ್ಲಿಸಿದರು. 

ಮುಸ್ಲಿಂ ಸಮಾಜದ ಮುಖಂಡರಾದ ರಶೀದ್ ಮುಬಾರಕ್ ಮಾತನಾಡಿ ಬಕ್ರೀದ್ ಹಬ್ಬವು ದೇವರಿಗೆ ವಿಧೇಯರಾಗಿ ತನ್ನ ಮಗನನ್ನು ತ್ಯಾಗ ಮಾಡಲು ಸಿದ್ಧರಿದ್ದ ಪ್ರವಾದಿ ಇಬ್ರಾಹಿಂ ಅವರ ಅಚಲ ನಂಬಿಕೆಯನ್ನು ಗೌರವಿಸುತ್ತದೆ. ಇದು ಕಷ್ಟಕರವಾಗಿದ್ದರೂ ಸಹ ದೈವಿಕ ಇಚ್ಛೆಗೆ ಶರಣಾಗಲು ಮತ್ತು ಉನ್ನತ ಯೋಜನೆಯಲ್ಲಿ ನಂಬಿಕೆ ಇಡಲು ತೆಗೆದುಕೊಳ್ಳುವ ಶಕ್ತಿಯನ್ನು ನಮಗೆ ನೆನಪಿಸುತ್ತದೆ.ತ್ಯಾಗದ ಆಚರಣೆ ಪ್ರಾಣಿಯನ್ನು ಬಲಿ ನೀಡುವ ಕ್ರಿಯೆ (ಕುರ್ಬಾನಿ) ವೈಯಕ್ತಿಕ ಬಾಂಧವ್ಯಗಳನ್ನು ಬಿಟ್ಟು ಆಶೀರ್ವಾದಗಳನ್ನು ಹಂಚಿಕೊಳ್ಳುವುದನ್ನು ಸಂಕೇತಿಸುತ್ತದೆ.  

ಇದು ಮುಸ್ಲಿಮರಿಗೆ ನಿಸ್ವಾರ್ಥತೆ, ಸಹಾನುಭೂತಿ ಮತ್ತು ಅಗತ್ಯವಿರುವವರನ್ನು ನೋಡಿಕೊಳ್ಳುವ ಮೌಲ್ಯವನ್ನು ಕಲಿಸುತ್ತದೆ ಎಂದು ಮಾತನಾಡಿದರು.  

ಈ ಸಂದರ್ಭದಲ್ಲಿಕಾಸಿಂಸಾಬ್ ತಳಕಲ್, ನೂರ್ ಬಾಬಾ ಗುಡಿಹಿದಲ್, ಸಿರಾಜ್ ಕರಮುಡಿ, ಸಾಧಿಕ್ ಕಾಜಿ, ಮೆಹಬೂಬ್ ಸರ್ ಗುಡಿಹಿಂದಲ್, ರೆಹಮಾನ್ ಸಾಬ್ ಮುಖಪ್ಪನವರ್, ರಫಿ ಹಿರಿಯಾಳ, ಗೂಡುಸಾಬ ಮಕದಾರ್, ಲಾಲ್ ಭಾಷಾ ಗುಡಿಹಿದಲ್, ರಶೀದ ಹಣಜಗೇರಿ, ರೆಹಮಾನ್ ಸಾಬ್ ಕಾಜಿ, ಮುಸ್ಲಿಂ ಸಮಾಜದ ಹಿರಿಯರು ಮತ್ತು ಯುವಕರು ಇತರರು ಇದ್ದರು.