ಟಿಎಪಿಸಿಎಂ ನಿರ್ದೇಶಕರಾಗಿ ಬಗಲಿ ಅವಿರೋಧ ಆಯ್ಕೆ

ತಾಳಿಕೋಟಿ 15: ಮುದ್ದೇಬಿಹಾಳ ತಾಲೂಕ ಒಕ್ಕಲುತನ ಹುಟ್ಟುವಳಿ ಮಾರಾಟ ಸಹಕಾರ ಸಂಘದ ಐದು ವರ್ಷದ ಅವಧಿಯ ಆಡಳಿತ ಮಂಡಳಿ ನಿರ್ದೇಶಕರ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ತಾಲೂಕಿನ ತಮದಡ್ಡಿ ಗ್ರಾಮದ ಬಸವರಾಜ ಚನ್ನಮಲ್ಲಪ್ಪ ಬಗಲಿ ಇವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ. ಒಟ್ಟು 12 ಸ್ಥಾನದ ನಿರ್ದೇಶಕ ಮಂಡಳಿಯ ಈ ಚುನಾವಣೆಯಲ್ಲಿ ಬಸವರಾಜ ಬಗಲಿ ಅವರು ಸಾಮಾನ್ಯ ಕ್ಷೇತ್ರದಿಂದ ಸ್ಪರ್ಧಿಸಿದ್ದರು. ಈಗಾಗಲೇ ಅವರು ಹಲವಾರು ಸಂಘ ಸಂಸ್ಥೆಗಳಲ್ಲಿ ಸದಸ್ಯರಾಗಿ ಸೇವೆ ಸಲ್ಲಿಸಿದ್ದಾರೆ. ಕೃತಜ್ಞತೆ: ತಮ್ಮನ್ನು ಅವಿರೋಧ ಆಯ್ಕೆಗೆ ಎಲ್ಲ ರೀತಿಯಿಂದಲೂ ಸಹಕರಿಸಿದ ಕೆ ಎಸ್ ಡಿ ಎಲ್ ಅಧ್ಯಕ್ಷರು, ಶಾಸಕರಾದ ಅಪ್ಪಾಜಿ ನಾಡಗೌಡ, ಡಿಸಿಸಿ ಬ್ಯಾಂಕ್ ನಿರ್ದೇಶಕ ಬಿಎಸ್ ಪಾಟೀಲ(ಯಾಳಗಿ), ಮುಖಂಡರಾದ ಗುರು ತಾರನಾಳ, ಎಂ.ಎಸ್‌.ಮೇಟಿ, ಸಂಗನಗೌಡ ಪಾಟೀಲ (ಕವಡಿಮಟ್ಟಿ), ನಾನಾಗೌಡ ಹೊಸಳ್ಳಿ (ತಮದಡ್ಡಿ),ರಾಜುಗೌಡ ಕನಕರೆಡ್ಡಿ ಚಂದ್ರಶೇಖರ ಸಾಸ್ನೂರ ಅವರಿಗೆ ಬಗಲಿ ಅವರು ಕೃತಜ್ಞತೆ ಸಲ್ಲಿಸಿದ್ದಾರೆ.