ನವದೆಹಲಿ,  ಜ ೧೮, ಬಿಜೆಪಿ  ಕಾರ್ಯಾಧ್ಯಕ್ಷ   ಜೆ. ಪಿ. ನಡ್ಡಾ ಅವರು ಜನವರಿ ೨೦  ಸೋಮವಾರ  ಪಕ್ಷದ ರಾಷ್ಟ್ರೀಯ  ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಲಿದ್ದಾರೆ ಎಂದು ಪಕ್ಷದ  ಉನ್ನತ  ಮೂಲಗಳು  ಹೇಳಿವೆ.ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಸ್ಥಾನಕ್ಕೆ ನೆಡೆಯಲಿರುವ   ಚುನಾವಣೆಗೆ   ಜನವರಿ ೨೦ ರಂದು ನಾಮಪತ್ರ ಸಲ್ಲಿಸಬಹುದಾಗಿದ್ದು ಒಂದೊಮ್ಮೆ   ಒಬ್ಬರಿಗಿಂತ  ಹೆಚ್ಚು  ಮಂದಿ  ನಾಮಪತ್ರಗಳು ಸಲ್ಲಿಸಿದರೆ  ಮಾತ್ರ ಜನವರಿ ೨೧ ರಂದು ಚುನಾವಣೆ ನಡೆಯಲಿದೆ.  ಅಧ್ಯಕ್ಷ  ಸ್ಥಾನಕ್ಕೆ ಜಗತ್  ಪ್ರಕಾಶ್   ನಡ್ಡಾ  ಅವರು  ಮಾತ್ರ ನಾಮಪತ್ರ ಸಲ್ಲಿಸುವ ಸಾಧ್ಯತೆ ಇದೆ.ಬಿಜೆಪಿ  ನೂತನ  ಅಧ್ಯಕ್ಷರಾಗಿ ಜಗತ್ ಪ್ರಕಾಶ್ ನಡ್ಡಾ ಅವರು ಜ.೨೦ ರಂದು ಅಧಿಕಾರ ಸ್ವೀಕರಿಸುವ ಸಾಧ್ಯತೆಯಿದೆ.೨೦೧೯ ಜೂನ್ ನಿಂದ ರಾಷ್ಟ್ರೀಯ ಕಾರ್ಯಾಧ್ಯಕ್ಷರಾಗಿ ಕಾರ್ಯ ನಿರ್ವಹಿಸುತ್ತಿರುವ ಜೆ.ಪಿ ನಡ್ಡಾ ಅವರು ಪಕ್ಷದ ರಾಷ್ಟ್ರೀಯ ಅಧ್ಯಕ್ಷರಾಗಿ ಇದೇ ೨೦ ರಂದು ಅಧಿಕಾರ ಸ್ವೀಕರಿಸಲಿದ್ದಾರೆ. ನಡ್ಡಾ ಅವರ ಪದಾರೋಹಣ ಕಾರ್ಯಕ್ರಮವನ್ನು ಅದ್ಧೂರಿಯಾಗಿ ಆಯೋಜಿಸಲು ಬಿಜೆಪಿ ನಿರ್ಧರಿಸಿದೆ. ಇನ್ನು ದೆಹಲಿ ವಿಧಾನಸಭೆ ಚುನಾವಣೆಗೂ ಮುನ್ನವೇ ಜೆಪಿ ನಡ್ಡಾ ಅವರು ಬಿಜೆಪಿ ರಾಷ್ಟ್ರಾಧ್ಯಕ್ಷರಾಗಿ  ಅಧಿಕಾರ  ವಹಿಸಿಕೊಳ್ಳುತ್ತಿರುವುದು  ಕುತೂಹಲ ಕೆರಳಿಸಿದೆ. ೭೦ ಕ್ಷೇತ್ರವುಳ್ಳ ದೆಹಲಿ ವಿಧಾನಸಭಾ ಚುನಾವಣೆ ಫೆಬ್ರವರಿ ೮ರಂದು ನಡೆಯಲಿದ್ದು, ಫೆ.೧೧ಕ್ಕೆ ಫಲಿತಾಂಶ ಹೊರಬೀಳಲಿದೆ