ವಿಜಯಪುರ 16: ಕರ್ನಾಟಕ ರಾಜ್ಯ ಅಕ್ಕಮಹಾದೇವಿ ಮಹಿಳಾ ವಿಶ್ವವಿದ್ಯಾನಿಲಯವು ಸುನಿತಾ ಎಸ್ ಅವರು ಸಲ್ಲಿಸಿದ್ದ “ಆನ್ ಅನಾಲಿಸಿಸ್ ಆಫ್ ಎಂಪ್ಲಾಯಿ ರಿಟೆನ್ಷನ್ ಸ್ಟ್ರ್ಯಾಟಜಿಸ್‌: ವಿತ್ ರೆಪರೆನ್ಸ್‌ ಟು ಸೆಲೆಕ್ಟ್‌ ಎಜುಕೇಷನಲ್ ಇನ್ಸಿ-್ಟಟ್ಯೂಷನ್ಸ್‌ ಇನ್ ನಾರ್ಥ್‌ ಕರ್ನಾಟಕ ರಿಜನ್‌” ಕುರಿತು ಸಲ್ಲಿಸಿದ್ದ ಮಹಾಪ್ರಬಂಧಕ್ಕೆ ಪಿಎಚ್‌ಡಿ ಪದವಿ ನೀಡಿದೆ.  

ಸುನಿತಾ ಎಸ್ ಅವರು ವ್ಯವಹಾರ ಅಧ್ಯಯನ ವಿಭಾಗದ ಡಾ.ಸಿ.ಎಮ್‌.ಮಠಪತಿ ಅವರ ಮಾರ್ಗದರ್ಶನದಲ್ಲಿ ಸಂಶೋಧನೆ ಕೈಗೊಂಡಿದ್ದರು. ಡಾಕ್ಟರೇಟ್ ಪದವಿ ಪಡೆದಿರುವ ಸುನಿತಾ ಎಸ್ ಅವರನ್ನು ಕುಲಪತಿ ಪ್ರೊ.ಬಿ.ಕೆ.ತುಳಸಿಮಾಲ, ಕುಲಸಚಿವ ಶಂಕರಗೌಡ ಸೋಮನಾಳ, ಮೌಲ್ಯಮಾಪನ ಕುಲಸಚಿವ ಪ್ರೊ. ಎಚ್‌.ಎಂ. ಚಂದ್ರಶೇಖರ  ಅಭಿನಂದಿಸಿದ್ದಾರೆ.