ಪಾಲೆಂಬಾಗ್ 23: ಜಕಾರ್ತದಲ್ಲಿ ನಡೆಯುತ್ತಿರುವ 18ನೇ ಏಶ್ಯಾಡ್ ಗೇಮ್ಸ್ ನಲ್ಲಿ ಗುರುವಾರವೂ ಭಾರತದ ಪದಕ ಬೇಟೆ ಮುಂದುವರಿದಿದೆ.  ಮಹಿಳಾ ಟೆನ್ನಿಸ್ ಸಿಂಗಲ್ಸ್ ವಿಭಾಗದಲ್ಲಿ ಅಂಕಿತಾ ರೈನಾ ಕಂಚಿನ ಪದಕ ಗೆದ್ದಿದ್ದಾರೆ.  

ಇಂದು ಬೆಳಿಗ್ಗೆ ನಡೆದ ಸಿಂಗಲ್ಸ್ ವಿಭಾಗದ ಸೆಮಿ ಫೈನಲ್ ಪಂದ್ಯಾಟದಲ್ಲಿ ಭಾರತದ ಅಗ್ರ ಕ್ರಮಾಂಕದ ಸಿಂಗಲ್ಸ್ ಆಟಗಾತರ್ಿ ಅಂಕಿತಾ ಚೀನಾದ ಶುಯಿ ಜಾಂಗ್ ಅವರಿಗೆ 4-6,6-7 (6) ಸೆಟ್ಗಳ ಅಂತರದಿಂದ ಪರಾಭವಗೊಂಡರು.  

ಅಂಕಿತಾ ರೈನಾ ಏಶ್ಯಾನ್ ಗೇಮ್ಸ್ ಇತಿಹಾಸದಲ್ಲಿ ಸಿಂಗಲ್ಸ್ ವಿಭಾಗದಲ್ಲಿ ಪದಕ ಗೆದ್ದ ಎರಡನೇ ಭಾರತೀಯ ಆಟಗಾತರ್ಿ. ಈ ಮೊದಲು ಸಾನಿಯಾ ಮಿಜರ್ಾ 2006ರಲ್ಲಿ ಬೆಳ್ಳಿ ಮತ್ತು 2010ರಲ್ಲಿ ಕಂಚಿನ ಪದಕ ಗೆದ್ದಿದ್ದರು.  

ಅಹಮದಾಬಾದ್ ಮೂಲದ 25ರ ಹರೆಯದ ಅಂಕಿತಾ ರೈನಾ ಈವರೆಗೆ ಅಂತಾರಾಷ್ತ್ರೀಯ  ಮಟ್ಟದಲ್ಲಿ 6 ಸಿಂಗಲ್ಸ್ ಮತ್ತು 13 ಡಬಲ್ಸ್ ವಿಭಾಗದ ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದಾರೆ.  

ಟೆನ್ನಿಸ್ ಡಬಲ್ಸ್  ಪುರುಷರ ವಿಭಾಗದಲ್ಲಿ ಭಾರತದ ರೋಹನ್ ಬೋಪಣ್ಣ ಮತ್ತು ದಿವಿಜ್ ಶರಣ್ ಫೈನಲ್ ತಲುಪಿದ್ದು ಭಾರತಕ್ಕೆ ಬಂಗಾರ ಅಥವಾ ಬೆಳ್ಳಿ ಪದಕ ಖಾತ್ರಿಯಾಗಿದೆ.  

ಒಟ್ಟಾರೆ ಭಾರತ 4 ಬಂಗಾರ,3 ಬೆಳ್ಳಿ ಮತ್ತು 9 ಕಂಚಿನ ಪದಕಗೊಳೊಂದಿಗೆ ಒಟ್ಟು 16 ಪದಕಗಳೊಂದಿಗೆ 9 ನೇ ಸ್ಥಾನದಲ್ಲಿದೆ.