ನವದೆಹಲಿ  ಆಗಸ್ಟ್ 18            ತೀವ್ರ ಅಸ್ವಸ್ಥಗೊಂಡು  ದೆಹಲಿಯ ಅಖಿಲ ಭಾರತ ವೈದ್ಯಕೀಯ ವಿಜ್ಞಾನ ಸಂಸ್ಥೆ- ಏಮ್ಸ್   ಆಸ್ಪತ್ರೆಗೆ  ದಾಖಲಾಗಿರುವ  ಹಿರಿಯ  ಬಿಜೆಪಿ ನಾಯಕ, ಮಾಜಿ ಕೇಂದ್ರ  ಸಚಿವ ಅರುಣ್ ಜೇಟ್ಲಿ ಅವರ ಆರೋಗ್ಯ ಸ್ಥಿತಿ ಭಾನುವಾರ ತೀವ್ರ ಹದಗೆಟ್ಟಿದೆ ವರದಿಯಾಗಿದೆ. ಅವರಿಗೆ ಜೀವ ರಕ್ಷಕಗಳನ್ನು ಒದಗಿಸಲಾಗಿದೆ.  ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ  ಮುಖ್ಯಸ್ಥ ಮೋಹನ್ ಭಾಗವತ್ ಭಾನುವಾರ ಬೆಳಿಗ್ಗೆ ಏಮ್ಸ್ ಗೆ  ಭೇಟಿ   ಜೇಟ್ಲಿ ಅವರ  ಆರೋಗ್ಯ ಸ್ಥಿತಿಯ ಕುರಿತು ವೈದ್ಯರಿಂದ ಮಾಹಿತಿ ಪಡೆದುಕೊಂಡರು.  ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್, ಕೇಂದ್ರ  ರೈಲ್ವೆ ಸಚಿವ ಪಿಯೂಷ್ ಗೋಯಲ್, ಜಮ್ಮು ಮತ್ತು ಕಾಶ್ಮೀರ ರಾಜ್ಯಪಾಲ ಸತ್ಯ ಪಾಲ್ ಮಲಿಕ್, ಕೇಂದ್ರ ಆರೋಗ್ಯ ಸಚಿವ ಹರ್ಷವರ್ಧನ್  ಅವರು  ಸಹ  ಇಂದು  ಆಸ್ಪತ್ರೆಗೆ ಭೇಟಿ ನೀಡಿದ್ದರು. ಜೇಟ್ಲಿ  ಅವರಿಗೆ  ತಜ್ಞರವೈದ್ಯರ  ನಾಲ್ಕು  ತಂಡಗಳು  ಚಿಕಿತ್ಸೆ  ಕಲ್ಪಿಸುತ್ತಿವೆ. ಈ ತಿಂಗಳ 9 ರಂದು ಜೇಟ್ಲಿ ಅವರನ್ನು ಏಮ್ಸ್  ಆಸ್ಪತ್ರೆಗೆ  ದಾಖಲಿಸಲಾಗಿತ್ತು.   ಈ  ಹಿಂದೆ  ಜೇಟ್ಲಿ   ಕೇಂದ್ರ ಹಣಕಾಸು ಸಚಿವರಾಗಿದ್ದಾಗ  ಅಮೆರಿಕಕ್ಕೆ  ತೆರಳಿ ಒಂದು ತಿಂಗಳು ಚಿಕಿತ್ಸೆ ಪಡೆದು ವಾಪಸ್ಸಾಗಿದ್ದರು.