ಕೊಪ್ಪಳ  23:  ತಾಲೂಕಿನ ಕಲೆಗಳ ತವರೂರು ಕಿನ್ನಾಳ ಗ್ರಾಮದ ನಿವಾಸಿ ಕಲಾವಿದ ಗಾಯಕ ಭಾಷಾ ಹಿರೇಮನಿ ಯವರಿಗೆ ಪ್ರತಿಷ್ಠಿತ ಕಲಾಭೂಷಣ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.

ಗಾನಸುದೆ ಕಲಾ ಬಳಗ ದಾವಣಗೆರೆ ಫ್ರೆಂಡ್ಸ್‌ ಮೆಲೋಡಿಸ್ ಆರ್ಕೆಸ್ಟ್ರಾ ವತಿಯಿಂದ ಜರುಗಲಿರುವ ಐದನೇ ವರ್ಷದ ಡಾ,ರಾಜಕುಮಾರ್ ಮತ್ತು ವಿಷ್ಣುವರ್ಧನ್ ರವರ ಸ್ವರ ಸಂಭ್ರಮ ಕಾರ್ಯಕ್ರಮ ದಲ್ಲಿ ಬರುವ ಜುಲೈ 6 ರ ಭಾನುವಾರ ಮಧ್ಯಾನ 3:00ಗೆ ದಾವಣಗೆರೆಯ ಕುವೆಂಪು ಸಭಾಂಗಣದಲ್ಲಿ ಜರುಗಲಿರುವ ಕಾರ್ಯಕ್ರಮದಲ್ಲಿ ಕೊಪ್ಪಳ ಜಿಲ್ಲೆಯ ಕಲಾವಿದ ಜೂನಿಯರ್ ಸಿ. ಅಶ್ವಥ್ ಹಾಗೂ ಗಾನಯೋಗಿ ಪ್ರಶಸ್ತಿ ಪುರಸ್ಕೃತ  ಭಾಷಾ ಹಿರೇಮನಿಯವರಿಗೆ ಕಲಾಭೂಷಣ ಪ್ರಶಸ್ತಿ ಪ್ರಧಾನ ಮಾಡಲಾಗುವುದು ಎಂದು ಸಂಘಟಕರು ತಿಳಿಸಿದ್ದಾರೆ.

ಕೊಪ್ಪಳ ಜಿಲ್ಲೆಯ ಜನಮೆಚ್ಚಿನ ಗಾಯಕ ಕಲಾವಿದ ಭಾಷಾ ಹಿರೇಮನಿ ಯವರಿಗೆ ಕಲಾಭೂಷಣ ಪ್ರಶಸ್ತಿಗೆ ಆಯ್ಕೆ ಮಾಡಿರುವುದಕ್ಕೆ ಕೊಪ್ಪಳ ಜಿಲ್ಲೆಯ ವಿವಿಧ ಸಂಘಟನೆಗಳು ಹಾಗೂ ಕಲಾವಿದರ ಬಳಗ ತೀವ್ರ ಹರ್ಷ ವ್ಯಕ್ತಪಡಿಸಿ ಅಭಿನಂದಿಸಿದ್ದಾರೆ.