ತಾಳಿಕೋಟಿ   13: ತಾಲೂಕಿನ ಬೆಕಿನಾಳ ಗ್ರಾಮದ ವಾರ್ಡ ಸಂಖ್ಯೆ1ಮತ್ತು 2 ರಲ್ಲಿ ನಳದ ನೀರು ಸರಿಯಾಗಿ ಪೂರೈಕೆ ಆಗದೆ ಜನರಿಗೆ ತೀವ್ರ ತೊಂದರೆಯಾಗುತ್ತಿದ್ದು ಇದನ್ನು ಸರಿಪಡಿಸಲು ಆದಷ್ಟು ಬೇಗ ಕ್ರಮ ವಹಿಸಬೇಕೆಂದು ಆಗ್ರಹಿಸಿ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ತಾಲೂಕ ಅಧ್ಯಕ್ಷ ಶ್ರೀಶೈಲ ವಾಲಿಕಾರ ಇವರ ನೇತೃತ್ವದಲ್ಲಿ ಸಂಘಟನೆ ಪದಾಧಿಕಾರಿಗಳು ಹಾಗೂ ಗ್ರಾಮಸ್ಥರು ಬೆಕಿನಾಳ ಗ್ರಾಪಂ ಅಧ್ಯಕ್ಷರಿಗೆ ಮಂಗಳವಾರ ಮನವಿ ಸಲ್ಲಿಸಿದರು. 

ಮನವಿ ಪತ್ರದಲ್ಲಿ ಕಳೆದ 2 ತಿಂಗಳಿನಿಂದ ಬೆಕಿನಾಳ ಗ್ರಾಮದ ವಾರ್ಡ ಸಂಖ್ಯೆ ಒಂದು ಮತ್ತು ಎರಡರಲ್ಲಿ ನಳದ ನೀರು ಸರಿಯಾಗಿ ಪೂರೈಕೆ ಆಗುತ್ತಿಲ್ಲ ಇದರಿಂದ ಅಲ್ಲಿರುವ ನಿವಾಸಿಗಳಿಗೆ ತೀವ್ರ ತೊಂದರೆಯಾಗುತ್ತಿದ್ದು ಈ ಗಂಭೀರ ಸಮಸ್ಯೆಯನ್ನು ಆದಷ್ಟು ಬೇಗ ಸರಿಪಡಿಸದೆ ಹೋದಲ್ಲಿ ಗ್ರಾಮ ಪಂಚಾಯಿತಿಗೆ ಬೀಗ ಜಡೆದು ನಮ್ಮ ಸಂಘಟನೆಯ ನೇತೃತ್ವದಲ್ಲಿ ಗ್ರಾಮಸ್ಥರೊಂದಿಗೆ ಸೇರಿ ಉಗ್ರವಾದ ಪ್ರತಿಭಟನೆಯನ್ನು ನಡೆಸುತ್ತೇವೆ ಎಂದು ತಿಳಿಸಲಾಗಿದೆ. 

ಈ ಸಮಯದಲ್ಲಿ ಕರ್ನಾಟಕ ರೈತ ಸಂಘ ಹಾಗೂ ಹಸಿರು ಸೇನೆ ಗ್ರಾಮ ಘಟಕ ಅಧ್ಯಕ್ಷ ಶ್ರೀಶೈಲ ಸಜ್ಜನ, ದೇವೇಂದ್ರ​‍್ಪ ಗೌಡ, ರಮೇಶ ಗೌಡ ವಡ್ಡೋಡಗಿ, ಅಶೋಕ ದೊರೆಗೋಳ, ಅಪ್ಪಯ್ಯ ಕರಕಳ್ಳಿಮಠ, ಮಲ್ಲಪ್ಪ ಸಜ್ಜನ, ರಾಜುಗೌಡ ಬಿರಾದಾರ, ರಾಮನಗೌಡ ಕರ್ಕಳ್ಳಿ, ಪರಶುರಾಮ ತಾಳಿಕೋಟಿ, ಶಿವಶಂಕರ ಸಜ್ಜನ, ಮಲ್ಲಪ್ಪ ಮುದ್ನೂರ,ಬಂಡೆಪ್ಪ ಸಜ್ಜನ, ಸಚಿನ ಆಲ್ಯಾಳಮಠ ಮಾಂತೇಶ ತಳವಾರ, ಮದನಸಾಬ ಮೋಮಿನ ಖಾದರಭಾಷಾ ತೋಟದ ಇದ್ದರು.