ಲೋಕದರ್ಶನ ವರದಿ 

ಮೂಡಲಗಿ 29: ದೇಶಾದ್ಯಂತ ಹಮ್ಮಿಕೊಂಡಿರುವ ಗೋಮಾತೆಯ ಗೌರವದ ಅಭಿಯಾನದ ಹಿನ್ನಲೇ ಗೋ ಭಕ್ತರು ಮೂಡಲಗಿ ತಹಶೀಲ್ದಾರ ಮೂಲಕ ರಾಷ್ಟ್ರಪತಿಗಳಿಗೆ, ಪ್ರದಾನ ಮಂತ್ರಿಗಳಿಗೆ, ರಾಜ್ಯದ ರಾಜ್ಯಪಾಲರಿಗೆ ಮತ್ತ ಮುಖ್ಯಮಂತ್ರಿಗಳಿಗೆ ಗೋಹತ್ಯೆಯನ್ನು ಸಂಪೂರ್ಣವಾಗಿ ನಿಲ್ಲಿಸಲು, ರಾಷ್ಟ್ರೀಯ ಪ್ರಾಣಿ ಮತ್ತು ಎಪ್ರಿಲ್ 27 ರಂದು ಗೋಮಾತಾ ಗೌರವ ದಿನ ಘೋಷನೆಗೆ ಆಗ್ರಹಿಸಿ ಗೋ ಭಕ್ತರ ಸಹಿ ಸಂಗ್ರಹ ಪತ್ರದೊಂದಿಗೆ ಮನವಿ ಅರ​‍್ಿಸಲಾಯಿತು.  

 ಹಿಂದೂ ಸಂಘಟನೆಯ ಮುಖಂಡ ಬಸು ಪಡ್ತರಿ ಮಾತನಾಡಿ, ಭಾರತೀಯ ಸಂಸ್ಕೃತಿ, ಆರ್ಥಿಕತೆ, ಮಾಣವ ಆರೋಗ್ಯ, ವಿಷಮುಕ್ತ ಕೃಷಿ ಮತ್ತು ಪರಿಸರ ಸಮತೋಲನದಲ್ಲಿ ಹಸುವಿನ  ಸ್ಥಾನವು ಅತ್ಯಂತ ಮಹತ್ವದ್ದಾಗಿದೆ, ಶತಮಾನಗಳಿಂದಲೂ ಗೋ-ವಂಶವು ಭಾರತೀಯ ಪರಂಪರೆಯ ಜೀವನಾಡಿಯಾಗಿದೆ. ಪ್ರಸ್ತುತ ಪರರಿಸ್ಥಿಯಲ್ಲಿ ಗೋವಿಗೆ ಸರಿಯಾದ ಸಂರಕ್ಷಣೆ ಮತ್ತು ಉತ್ತೇಜನದ ಕೊರತೆಯಿಂದಾಗಿ ಗೋ-ವಂಶದ ಸ್ಥಿತಿ ಶೋಚನೀಯವಾಗಿ. ಭಾರತ ಭೂಮಿಯಲ್ಲಿ ಎಲ್ಲ ಗೊ-ವಂಶಗಳು ಆರೋಗ್ಯಕರವಾಗಿ, ಸಂತೋಷವಾಗಿ, ಗೌರವಯುತವಾಗಿ ಮತ್ತು ಸುರಕ್ಷಿತವಾಗಿರಲು ಕೇಂದ್ರ ಮತ್ತು ರಾಜ್ಯ ಸರ್ಕಾರ ಗೋ ಹತ್ಯೆ ನಿಷೇದ ಕಾನೂನು ಮತ್ತು ಗೋಮಾತ ದಿನ ಘೊಷನೆ ಮಾಡಬೇಕೆಂದು ಆಗ್ರಹಿಸಿದರು.  

ಗೋಕಾಕ ಹಿಂದೂ ಜಾಗರಣ ವೇದಿಕೆ ಸಂಚಾಲಕ ಅಂಕುಶ ರೇಣುಕಿ, ಶ್ರೀರಾಮ ಸೇನಾ ಗೋಕಾಕ ತಾಲೂಕ ಅಧ್ಯಕ್ಷ ಸಂಜು ಬಾಗೇವಾಡಿ, ಸಂಘಟನೆ ಕಾರ್ಯದರ್ಶಿ ನಂದು ಗರೀಬ, ಮೂಡಲಗಿ ತಾಲೂಕಾ ಬಜರಂಗ ದಳ ಪ್ರಮುಖರಾದ ಮಾಂತೇಶ ಮುಗಳಖೋಡ, ದುಂಡಪ್ಪ ಹಳ್ಳೂರ, ರಜನಿಕಾಂತ ನಾಯಿಕ, ಸಂದೀಪ ಸಾನವಾಲೆ, ಕೃಷ್ಣಾ ಸಾನವಾಲೆ, ಸಚೀನ ಸಾನವಾಲೆ, ಮೂಡಲಗಿ ತಾಲೂಕಾ ವಿ.ಎಚ್‌.ಪಿ ಧರ್ಮ ರಕ್ಷಕ ದಾನು ತಂಬೂರಿ ಸೇರಿದಂತೆ ಅನೇಕ ಹಿಂದು ಸಂಘಟನೆಯ ಕಾರ್ಯಕರ್ತರು ಮತ್ತು ಗೋ ಭಕ್ತರು ಉಪಸ್ಥಿತರಿದ್ದರು.