ಶ್ರದ್ಧಾಜ್ಞಾನ ವಿಕಾಸ ಕೇಂದ್ರದ ವಾರ್ಷಿಕೋತ್ಸವ 

 ಗದಗ 06:   ತಾಲೂಕಿನ ಹರ್ತಿ  ವಲಯದ ಕುರ್ತಕೋಟಿ ಕಾರ್ಯಕ್ಷೇತ್ರದಲ್ಲಿ ಶ್ರದ್ಧಾಜ್ಞಾನ ವಿಕಾಸ ಕೇಂದ್ರದ ವಾರ್ಷಿಕೋತ್ಸವ ಜರುಗಿತು.   ಈ  ಕಾರ್ಯಕ್ರಮವನ್ನು  ಕ್ಷೇತ್ರ  ಧರ್ಮಸ್ಥಳ ಗ್ರಾಮಾಭಿವೃದ್ದಿ ತಾಲ್ಲೂಕು  ಯೋಜನಾಧಿಕಾರಿ   ಉಮಾ ಅವರು ಉದ್ಘಾಟಿಸಿ ಮಾತನಾಡಿ,  ಕೇಂದ್ರದ ಸದಸ್ಯರಿಗೆ ಜ್ಞಾನವಿಕಾಸ ಕಾರ್ಯಕ್ರಮಗಳ ಬಗ್ಗೆ ಕುಟುಂಬದ ಮಹತ್ವ ಮತ್ತು ಪೌಷ್ಟಿಕ ಆಹಾರದ ಸೇವನೆ ಬಗ್ಗೆ ಎಲ್ಲಾ ಸದಸ್ಯರಿಗೆ ಮಾಹಿತಿ ಮಾರ್ಗದರ್ಶನ ನೀಡಿದರು. ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಇನಾಮತಿ  ಅವರು ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ, ಶಿಸ್ತಿನ  ಕಾರ್ಯಕ್ರಮಗಳ ಬಗ್ಗೆ ಹಾಗೂ ಸದಸ್ಯರಿಗೆ ಆರ್ಥಿಕ  ಸ್ವಾವಲಂಬನೆ ಬದುಕಿಗೆ ಕಡಿಮೆ ಬಡ್ಡಿಯಲ್ಲಿ ಸದಸ್ಯರಿಗೆ  ಸಾಲ ಸಿಗುತ್ತಾ ಇದೆ ಸದಸ್ಯರು ಇದರಿಂದ ತುಂಬಾ ಬದಲಾವಣೆ ಆಗಿರುತ್ತಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು. ಅಂತೂರು-ಬೆಂತೂರ ಸರ್ಕಾರಿ ಪ್ರೌಢಶಾಲೆಯ ಮುಖ್ಯೋಪಾಧ್ಯರಾದ ದೊಡ್ಡಣ್ಣವರ  ಅವರು  ಮಾತನಾಡಿ, ಎಲ್ಲಾ ಸದಸ್ಯರಿಗೂ ಸಾಧಕ ಮಹಿಳೆಯರ ಬಗ್ಗೆ ಮಾಹಿತಿ ನೀಡಿದರು.  ಈ ಕಾರ್ಯಕ್ರಮದಲ್ಲಿ  ನೀಲಮ್ಮ ಕಾಶಿಮಠ,  ವಲಯದ ಮೇಲ್ವಿಚಾರಕರಾದ ಶಾಂತ ಮೂರ್ತಿ, ಜ್ಞಾನವಿಕಾಸ ಸಮನ್ವಯಾಧಿಕಾರಿ  ಗಂಗಮ್ಮ, ಸೇವಾ ಪ್ರತಿನಿಧಿ ರೇಣುಕಾ ಹಾಗೂ ಕೇಂದ್ರದ ಎಲ್ಲಾ ಸದಸ್ಯರು ಉಪಸ್ಥಿತರಿದ್ದರು.  ನಂತರ ಕೇಂದ್ರದ ಸದಸ್ಯರು  ಸಾಂಸ್ಕ್ರತಿಕ  ಹಾಗೂ  ಆಟೋಟ ಸ್ಪರ್ಧೆಯಲ್ಲಿ  ಭಾಗವಹಿಸಿ ಕಾರ್ಯಕ್ರಮವನ್ನು ಯಶಸ್ವಿ ಮಾಡಿದರು.  ಈ ಕಾರ್ಯಕ್ರಮ  ಸುನಿತಾ ಈಳಿಗೇರ  ಅವರು  ನಿರೂಪಿಸಿದರು. ಶೋಭಾ ಕಪೂರ  ಶೆಟ್ಟಿ ವಂದಿಸಿದರು.