ತಾಳಿಕೋಟೆ 25: ದೇಹದಲ್ಲಿ ಕಬ್ಬಿಣಾಂಶ ಕೊರತೆಯಾದರೆ ರಕ್ತಹೀನತೆ(ಅನಿಮಿಯಾ) ಉಂಟಾಗಲು ಕಾರಣವಾಗಿದ್ದು ಇದನ್ನು ತಡೆಗಟ್ಟಲು. ನಾವು ದೇಹಕ್ಕೆ ಅತ್ಯಗತ್ಯವಾದ ಕಬ್ಬಿಣಾಂಶ ಇರುವ ಸತ್ವಯುತ ಆಹಾರವನ್ನು ನಿಯಮಿತವಾಗಿ ಸೇವನೆ ಮಾಡುವ ಮೂಲಕ ಇದನ್ನು ತಡೆಗಟ್ಟಬಹುದು ಎಂದು ವಿಜಯಪುರ ಐಆರಿ​‍್ಡ ಸಂಸ್ಥೆಯ ಮುಖ್ಯಸ್ಥೆ ಶಾಂತಾ.ಎಂ ಬೇಲಾಳ ಹೇಳಿದರು. 

 ಅವರು ಪಟ್ಟಣದ ಶ್ರೀಖಾಸ್ಗತೇಶ ಕಲಾ, ವಾಣಿಜ್ಯ ಹಾಗೂ ವಿಜ್ಞಾನ ಮಹಾವಿದ್ಯಾಲಯ ಹಾಗೂ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಮತ್ತು ಎನ್‌.ಎಸ್‌.ಎಸ್‌. ಮತ್ತು ಎನ್‌.ಸಿ.ಸಿ, ಸಹಯೋಗದಲ್ಲಿ ಆಯೋಜಿಸಿದ್ದ ಅನಿಮಿಯಾ ತಡೆಗಟ್ಟುವ ಕಾರ್ಯಕ್ರಮದಲ್ಲಿ ಮಂಗಳವಾರ ಮಾತನಾಡಿದರು.  ಕಬ್ಬಿಣಾಂಶದ ಕೊರತೆಯಾದರೆ ನಿಶ್ಯಕ್ತಿ, ಸುಸ್ತು, ಜೀರ್ಣಶಕ್ತಿ ಕಡಿಮೆಯಾಗುತ್ತದೆ. ಉಸಿರಾಟದಲ್ಲಿ ಕಷ್ಟವಾಗುತ್ತದೆ. ಇಚೇಗೆ ವಿದ್ಯಾರ್ಥಿಗಳಲ್ಲಿ ಇದು ಹೆಚ್ಚಾಗಿ ಕಂಡು ಬರುತ್ತಿದೆ. ಇದರ ನಿವಾರಣೆಗೆ ಬೇಕರಿ ತಿಂಡಿಗಳಿಂದ ದೂರವಿರಿ ಹಾಗೂ ಅಧಿಕ ಜೀವಸತ್ವ ಇರುವ ಸೊಪ್ಪು, ತರಕಾರಿಗಳನ್ನು ಸೇವನೆ ಮಾಡುವಂತೆ ಸಲಹೆ ನೀಡಿದರು.  ಪ್ರಾಚಾರ್ಯ ದಯಾನಂದ ಡಿ ಮೂಗಡ್ಲಿಮಠ ರಕ್ತ ತಪಾಸಣೆ ಮಾಡಿಕೊಳ್ಳುವುದರ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ವಿದ್ಯಾರ್ಥಿಗಳಲ್ಲಿ ರಕ್ತಹೀನತೆ ಪತ್ತೆ ಮಾಡಿ, , ಜಾಗೃತಿ ಮೂಡಿಸಿ ಅನೇಮಿಯಾ ನಿವಾರಣೆಗೆ ಓಷಧಿಗಳನ್ನು ವಿತರಣೆ ಮಾಡಲಾಯಿತು.  

ಎನ್‌.ಎಸ್‌.ಎಸ್‌. ಅಧಿಕಾರಿ ಅಜೇಯ ಅಬ್ಬಾರ, ಈರಮ್ಮ ಲಕ್ಕಪ್ಪಗೋಳ .ಅನೀಲಕುಮಾರ ಆಲಾಳಮಠ ದೇವಪ್ಪಯ್ಯ ಮಠ ಸಿದ್ದುಪಾಟೀಲ ಹಾಗೂ ಸಿಬ್ಬಂದಿಗಳಾದ ಸೋಮು ಸಜ್ಜನ ಪ್ರಶಾಂತ ಹಂದರಾಳ, ಧನಪಾಲ ಬಾಡರಟ್ಟಿ, ಸಮಾ ಮಠ, ಶಕುಂತಲಾ ಮಠ ಹಾಗೂ ಮಹಾವಿದ್ಯಾಲಯದ ಎಲ್ಲ ಸಿಬ್ಬಂದಿ ವರ್ಗ ಮತ್ತು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು. 300 ವಿದ್ಯಾರ್ಥಿಗಳಿಗೆ ತಪಾಸಣೆ ಮಾಡಲಾಯಿತು.