ಬೆಳಗಾವಿ 14 : ದೇಶದ ದಲಿತರು, ಮಹಿಳೆಯರು ಮತ್ತು ಸಮಸ್ತ ಶೋಷಿತರಿಗೆ  ಸಾಮಾಜಿಕ ನ್ಯಾಯ ಮತ್ತು  ರಾಜಕೀಯ ಹಕ್ಕು ಪಡೆಯಲು ಬಾಬಾ ಸಾಹೇಬ್ ಅಂಬೇಡ್ಕರ್ ವರ್ತಮಾನದ ಬೆಳಕಾಗಿದ್ದಾರೆ ಎಂದು ಬಂಡಾಯ ಸಾಹಿತಿ ಡಾ. ಯಲ್ಲಪ್ಪ ಹಿಮ್ಮಡಿ ಹೇಳಿದರು.  

ನಗರದ ಕೊಲ್ಲಾಪುರ ವೃತ್ತದ ಸಮೀಪವಿರುವ ಮಾನವ ಬಂದುತ್ವ ವೇದಿಕೆಯ ಕೇಂದ್ರ ಕಛೇರಿಯ ಸಭಾಂಗಣದಲ್ಲಿ, ಮಾನವ ಬಂಧುತ್ವ ವೇದಿಕೆಯ ಪದಾಧಿಕಾರಿಗಳು ಏರಿ​‍್ಡಸಿದ್ದ ಬಾಬಾಸಾಹೇಬ ಡಾ. ಬಿ. ಆರ್‌. ಅಂಬೇಡ್ಕರ್ ಅವರ 135 ನೇ ಜನ್ಮದಿನದ ಕಾರ್ಯಕ್ರಮದಲ್ಲಿ ಅತಿಥಿಯಾಗಿ ಮಾತನಾಡಿದರು.  ಅಂಬೇಡ್ಕರ್ ಅವರಿಗೆ ತಮ್ಮ ಹೋರಾಟದಲ್ಲಿ ಅಚಲ ವಿಶ್ವಾಸವಿತ್ತು, ದಲಿತರ ಸಮಸ್ಯೆಗಳು ಹಿಮಾಲಯದಂತಿವೆ. ಈ ಹಿಮಾಲಯವನ್ನು ಎದುರು ಹಾಕಿಕೊಂಡು ನಾನು ನನ್ನ ತಲೆ ಒಡೆದುಕೊಂಡರೂ ಚಿಂತೆಯಿಲ್ಲ, ಹಿಮಾಲಯ ಅಲುಗಾಡದಿದ್ದರೂ ನನ್ನ ಒಡೆದ ತಲೆ ನೋಡಿ ಏಳು ಕೋಟಿ ದಲಿತರು ಆ ಹಿಮಾಲಯವನ್ನು ನೆಲಸಮ ಮಾಡಿಯಾರು ಮತ್ತು ತಮ್ಮ ಪ್ರಾಣವನ್ನೂ ಅರ​‍್ಿಸಿಯಾರು ಎಂದು ಗಟ್ಟಿಯಾಗಿ ನಂಬಿಕೊಂಡಿದ್ದರು ಮತ್ತು ಬದುಕಿನುದ್ದ ಹೋರಾಡಿದರು ಎಂದು ಹಿಮ್ಮಡಿ ಹೇಳಿದರು   

ರವಿ ಕಾಂಬಳೆ, ಸನ್ನಿ ಬಾನ್ಸ್‌ , ಸಂತೋಷ್ ಪಾಟೀಲ್, ಬಸವರಾಜ ಕೋಲ್ಕಾರ್, ಶುಭಂ ಮದಾಳೆ ಇತರರು ಉಪಸ್ಥಿತರಿದ್ದರು. ಪ್ರಕಾಶ ಬೊಮ್ಮನ್ನವರ ಸ್ವಾಗತಿಸಿದರು. ಅಂಕುಶ್ ಪಾಟೀಲ್ ವಂದಿಸಿದರು.