ಹೊಸಪೇಟೆ, ವಿಜಯನಗರ 09: ದಿನಾಂಕ : 27.06.2025ರಂದು ಬೆಂಗಳೂರಿನ ವಿಧಾನಸೌದದಲ್ಲಿ ನಡೆದ ತುಂಗಭದ್ರ ಜಲಾಶಯದ ನೀರಾವರಿ ಸಲಹಾ ಸಮಿತಿ ಸಭೆಯ ತೀರ್ಮಾನದಂತೆ ಇಂದು 10ರಂದು ಹೆಚ್‌.ಎಲ್‌.ಸಿ. ಮತ್ತು ಎಲ್‌.ಎಲ್‌.ಸಿ. ಕಾಲುವೆಗಳಿಗೆ ನೀರು ಬಿಡಬೇಕು ಎಂದು ಜಲಾಶಯದ ಮುಖ್ಯ ಕಾರ್ಯದರ್ಶಿಯಾದ ಬಸವರಾಜ್ ಇವರುಗಳಿಗೆ ದೂರವಾಣಿ ಕರೆಮಾಡಿ ತಿಳಿಸಿ ತಕ್ಷಣವೆ ತುಂಗಭದ್ರ ಬೋರ್ಡ್‌ಗೆ ಇಂಡೆಂಟ್ ಕಳುಹಿಸಬೇಕೆಂದು ವಿನಂತಿಸಲಾಯಿತು. 

ಹಾಗೆಯೇ ಮಧ್ಯಾಹ್ನ 1.30ಕ್ಕೆ ಹೊಸಪೇಟೆಯ ತುಂಗಭದ್ರ ಬೋರ್ಡ್‌ನ ಕಾರ್ಯದರ್ಶಿಗಳಾದ ಓ.ಆರ್‌.ಕೆ. ರೆಡ್ಡಿ ಮತ್ತು ಚನ್ನಕೇಶವನಾಯಕ್ ಇಂಜಿನಿಯರ್ ಇವರುಗಳನ್ನು ಭೇಟಿಮಾಡಿ ಮುಖ್ಯ ಕಾರ್ಯದರ್ಶಿಗಳು ಕಳುಹಿಸಿರುವ ಇಂಡೆಂಟ್ ನಂತೆ ನಾಳೆಯ ದಿನ ಹೆಚ್‌.ಎಲ್‌.ಸಿ. ಮತ್ತು ಎಲ್‌.ಎಲ್‌.ಸಿ. ಕಾಲುವೆಗಳಿಗೆ ನೀರು ಬಿಡಬೇಕು ಎಂದು ವಿನಂತಿಸಿದಾಗ ಅವರು ತಕ್ಷಣವೇ ನಾಳೆ ಬೆಳಿಗ್ಗೆ ಎರಡು ಕಾಲುವೆಗಳಿಗೆ ನೀರು ಬಿಡಲು ಪ್ರಾರಂಭಿಸುತ್ತೇವೆ ಎಂದು ಒಪ್ಪಿಗೆ ನೀಡಿರುತ್ತಾರೆ.