ದೇವರಹಿಪ್ಪರಗಿ 24: ತಾಲೂಕಿನ ಹಿಟ್ನಳ್ಳಿ ತಾಂಡಾದ ಸೋಮುಬಾಯಿ ಮೇಘು ಜಾಧವ(61) ಅವರು ಶನಿವಾರದಂದು ನಿಧನರಾದ ಕೆಲವೇ ಗಂಟೆಗಳ ಅಂತರದಲ್ಲಿ ಪತಿ ಮೇಘು ಲಚಮು ಜಾಧವ (74) ನಿಧನ ರಾಗುವ ಮೂಲಕ ಸಾವಿನಲ್ಲೂ ಒಂದಾದ ಹಿರಿಯ  ದಂಪತಿಗಳು.  

ಐದು ದಶಕಗಳ ಕಾಲ ಇಡೀ ಜೀವನವನ್ನು ಒಟ್ಟಿಗೆ ಕಳೆದಿದ್ದ ದಂಪತಿಯು ಒಂದೇ ದಿನ ಸಾವನ್ನಪ್ಪಿರುವ ಹೃದಯ ವಿದ್ರಾವಕ ಘಟನೆ ಸಂಬಂಧಿಕರಿಗೆ ಮತ್ತು ಊರಿನವರಲ್ಲಿ ಕಣ್ಣೀರು ತರಿಸಿದೆ. ರವಿವಾರ ಅವರಿಬ್ಬರ ದೇಹಗಳನ್ನು ಅಕ್ಕ-ಪಕ್ಕ ಇರಿಸಿ ದಹನಕ್ರಿಯೆ ನೆರವೇರಿಸಲಾಯಿತು.  

ಪತ್ನಿ ನಿಧನರಾದ ಎರಡು ಗಂಟೆ ಅಂತರದಲ್ಲಿ ಪತಿಯೂ ಆಗಲಿಕೆಯ ದುಃಖತಾಳದೆ ನಿಧನರಾದರು. ದಂಪತಿಗೆ ಸಂತಾನ ಭಾಗ್ಯವಿರಲಿಲ್ಲ ಎಂದು ಕುಟುಂಬ ಮೂಲಗಳು ತಿಳಿಸಿದೆ.