ವಾಷಿಂಗ್ಟನ್, ಡಿಸೆಂಬರ್ 3 -ಉತ್ತರ ಸಿರಿಯಾದಲ್ಲಿ ಸಂಭವಿಸಿದ ಹೊಸ ಹಿಂಸಾಚಾರಕ್ಕೆ  ಎಂಟು ಮಕ್ಕಳು ಬಲಿಯಾಗಿದ್ದಾರೆ. ಹಗೆತನಕ್ಕೆ ಬಲಿಯಾದ ಅಪ್ರಾಪ್ತ ವಯಸ್ಕರ ಸಂಖ್ಯೆ ಕನಿಷ್ಠ 34 ರಷ್ಟಿದೆ ಎಂದು ಯುನಿಸೆಫ್ ಪ್ರಾದೇಶಿಕ ನಿರ್ದೇಶಕ ಟೆಡ್ ಚಿಯಾಬನ್ ಹೇಳಿದ್ದಾರೆ.

"ಉತ್ತರ ಅಲೆಪ್ಪೊದ ತಾಲ್ ರಿಫಾತ್ ಪಟ್ಟಣದ ಮೇಲೆ ನಡೆದ ದಾಳಿಯಲ್ಲಿ ಎಂಟು ಮಕ್ಕಳು ಮೃತಪಟ್ಟಿದ್ದು  ಇನ್ನೂ ಎಂಟು ಮಂದಿ ಗಾಯಗೊಂಡಿದ್ದಾರೆ. ಮೃತರೆಲ್ಲರೂ  15 ವರ್ಷದೊಳಗಿನವರು" ಎಂದು ಚಿಯಾಬನ್ ಹೇಳಿದ್ದಾರೆ. 

ಮಕ್ಕಳ  ರಕ್ಷಣೆಗೆ ಧಾವಿಸುವಂತೆ  ಎಲ್ಲ ಪಕ್ಷಗಳನ್ನು ಅವರು ಒತ್ತಾಯಿಸಿದ್ದಾರೆ ಟಾಲ್ ರಿಫಾತ್ ಪ್ರದೇಶವು ಟರ್ಕಿಶ್ ಪರ ಪಡೆಗಳು ಮತ್ತು ಕುರ್ದಿಷ್ ಸೇನಾಪಡೆಯ   ಘರ್ಷಣೆಯ  ಮುಖಾಮುಖಿ ಸ್ಥಳವಾಗಿದೆ  ಎಂದೂ  ಸ್ಪುಟ್ನಿಕ್ ವರದಿ ಮಾಡಿದೆ.