ದ್ವಿತೀಯ ಪಿ.ಯು .ವಿದ್ಯಾರ್ಥಿನಿಯರಿಗಾಗಿ ಬಿಳ್ಕೋಡುವ ಸಮಾರಂಭ  

ಯಮಕನಮರಡಿ  8 : ಸ್ಥಳೀಯ ಹಿಂದುಳಿದ ವರ್ಗಗಳ ಇಲಾಖೆಯಡಿ ಕಾರ್ಯನಿರ್ವಹಿಸುತ್ತಿರುವ  ಮೇಟ್ರಿಕ್ ನಂತರದ ಬಾಲಕಿಯರ  ವಸತಿ  ಗೃಹದಲ್ಲಿ  ದ್ವಿತೀಯ  ಪಿ.ಯು . ವಿದ್ಯಾರ್ಥಿನಿಯರಿಗಾಗಿ  ಬಿಳ್ಕೋಡುವ  ಸಮಾರಂಭವನ್ನು ಹಮ್ಮಿಕೊಳ್ಳಲಾಯಿತು.  ಕಾರ್ಯಕ್ರಮದಲ್ಲಿ  ಸ್ಥಳೀಯ  ಸರಕಾರಿ ಪದವಿ ಪೂರ್ವ ಕಾಲೇಜಿನ ಉಪನ್ಯಾಸಕರಾದ. ಎ.ಎ.ಕಿವಂಡಾ  ಅತಿಥಿಗಳಾಗಿ ಭಾಗವಹಿಸಿ ಸರಕಾರವು ವಿದ್ಯಾರ್ಥಿನಿಯರಿಗಾಗಿ ಉಚಿತ ವಸತಿ ನಿಲಯ ಸ್ಥಾಪಿಸಿದ್ದು ಅದರ ಸದುಪಯೋಗ ಪಡಿಸಿಕೊಂಡು ಉತ್ತಮ ಭವಿಷ್ಯ ರೂಪಿಸಿಕೊಳ್ಳಬೇಕು ಎಂದು ತಿಳಿಸಿದರು.ಕಾಲೇಜಿನ ಇನ್ನೊರ್ವ ಸಿಬ್ಬಂದಿಗಳಾದ. ಎಸ್‌.ಆರ್ ತಬರಿ ಇವರು ಮುಖ್ಯ ಅತಿಥಿಗಳಾಗಿ ಮಾತನಾಡಿ ವಸತಿ ನಿಲಯಗಳು ವಿದ್ಯಾರ್ಥಿಗಳ ಭವಿಷ್ಯ ರೂಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿವೆ ಬಡ ವಿದ್ಯಾರ್ಥಿಗಳಿಗೆ ಸರ್ಕಾರವು ಉಚಿತವಾಗಿ ಎಲ್ಲ ಸೌಲಭ್ಯ ನೀಡುತ್ತಿದೆ ಆದಕಾರಣ ವಿದ್ಯಾರ್ಥಿಗಳು  ಶ್ರದ್ಧೆಯಿಂದ  ಓದಿ ಉತ್ತಮ ಅಂಕಗಳನ್ನು ಪಡೆದು ತಮ್ಮ ಭವಿಷ್ಯ ರೂಪಿಸಿಕೊಳ್ಳಬೇಕು ಎಂದು ಕರೆ ನೀಡಿದರು.ಕಾರ್ಯಕ್ರಮದ  ಅಧ್ಯಕ್ಷತೆಯನ್ನು  ವಸತಿ ನಿಲಯದ ಮೇಲ್ವಿಚಾರಕಿ ಆದ. ಸಮೀನಾ ಮುಲ್ಲಾ ಇವರು ವಹಿಸಿಕೊಂಡಿದ್ದರು.ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿನಿಯರು ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡರು. ಬಿಳ್ಕೋಡುವ ಸಮಾರಂಭವು ಯಶಸ್ವಿಯಾಗಿ ಜರುಗಿತು.