ಇಂದು ಅತೀರುದ್ರ ಹೋಮ ಹಾಗೂ ಕುಂಭಮೇಳದ ಯಾಗ ಪೂರ್ವಭಾವಿ ಸಭೆ

ಗದಗ 16: ನವೆಂಬರ್‌-11 ರಿಂದ 18 ರ ವರೆಗೆ   ಅತೀರುದ್ರ ಹೋಮ ಹಾಗೂ ಕುಂಭಮೇಳದ  ಯಾಗ ನಡೆಯಲಿದ್ದು, ಜಿಲ್ಲೆಯ ಎಲ್ಲ ಸಮಾಜದ ಮುಖಂಡರು ಶುಕ್ರವಾರ ದಿ. 17ರಂದು ಸಾಯಂಕಾಲ 5 ಗಂಟೆಗೆ  ನಗರದ ಮುಳಗುಂದ ನಾಕಾ ಬಳಿ ಇರುವ ಶ್ರೀ ವಿಠ್ಠಲಾರೂಢ ಸಮುದಾಯ ಭವನದಲ್ಲಿ ಸಭೆ ಕರೆಯಲಾಗಿದ್ದು, ಈ ಸಭೆಗೆ ಜಿಲ್ಲೆಯ ಪ್ರಮುಖ ನಾಯಕರು ಭಾಗಿಯಾಗಲಿದ್ದು, ಎಲ್ಲ ಸಮುದಾಯವನ್ನೊಳಗೊಂಡು ಎಲ್ಲರ ಸಹಭಾಗಿತ್ವ ಬಹು ಮುಖ್ಯ ಎಂದು ವೆಂಕಟೇಶ ಕುಲಕರ್ಣಿ ತಿಳಿಸಿದರು.  ನಗರದ ಪತ್ರಿಕಾ ಭವನದಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು ಸಹದೇವಾನಂದ ಗಿರಿ ಜೀ ಮಹಾರಾಜ ಸೇರಿ ಜನಪ್ರತಿನಿಧಿಗಳು, ಗಣ್ಯ ವ್ಯಾಪಾರಸ್ಥರು, ಎಲ್ಲ ಸಮಾಜದ ಮುಖಂಡರು, ಸಂಘ ಸಂಸ್ಥೆಯ ಮುಖಂಡರು ಮಹಿಳಾ ಮುಖಂಡರು ಭಾಗಿಯಾಗುವುದಾಗಿ ಹೇಳಿದರು.              

   ಇದೇ ವೇಳೆ ಕಿರಣ ಭೂಮಾ ಮಾತನಾಡಿ ಅತಿರುದ್ರ ಮಹಾಯಾಗವು 9 ಅಗ್ನಿ ಕುಂಡದೊಂದಿಗೆ ನವಂಬರ್ 11ರಿಂದ18ರ ವರೆಗೆ ಗದಗ ನಗರದ ವಿ.ಡಿ.ಎಸ್‌.ಟಿ.ಸಿ. ಮೈದಾನ ಜಿಲ್ಲಾ ಕ್ರೀಡಾಂಗಣದ ಹತ್ತಿರ ಏರಿ​‍್ಡಸಲಾಗಿದ್ದು, ಇದರ ಪೂರ್ವಭಾವಿ ಸಭೆಯೂ ಕರೆದಿದ್ದು,ಎಲ್ಲರೂ ತಮ್ಮ ಸಲಹೆ ಸೂಚಿಸುವಂತೆ ವಿನಂತಿಸಿದರು. ಪತ್ರಿಕಾ ಗೋಷ್ಠಿಯಲ್ಲಿ  ರವಿ ದಂಡಿನ, ಎಸ್ ಎಚ್ ಶಿವನಗೌಡರ, ರವಿ ಎಲ್ ಗುಂಜೀಕರ, ಬಸವರಾಜ ದೇಸಾಯಿ, ರುದ್ರಣ್ಣ ಗುಳಗುಳಿ, ಬಸವರಾಜ ಬಿಂಗಿ, ಪಕೀರಸಾ ಬಾಂಡಗೆ, ಎನ್ ರಾಮರಾವ್, ಸಂತೋಷ ಚನ್ನಪ್ಪನವರ, ಸಿದ್ದು ಕವಲೂರ, ರಾಘವೇಂದ್ರ ಬಾರದ, ಅನಿಲ ಖಟವಟೆ, ಕುಮಾರ ಮಾರನಬಸರಿ, ಅವಿನಾಶ ಜೈನ್, ಬಲರಾಮ ಬಸವಾ, ಶ್ರೀಮತಿ ವಿಜಯಲಕ್ಷ್ಮೀ ಮಾನ್ವಿ ಸೇರಿದಂತೆ ಇತರರಿದ್ದರು.