ಲೋಕದರ್ಶನ ವರದಿ

ಹಾವೇರಿ11: ವರ್ತಮಾನದ ಸಂಘರ್ಷಗಳಿಗೆ ಸ್ಪಂದಿಸುವದು ಪ್ರತಿಯೊಬ್ಬ ಸಾಹಿತಿಯ ಆದ್ಯ ಕರ್ತವ್ಯವಾಗಿದ್ದು, ತನ್ನ ಸಾಹಿತ್ಯದ ಮೂಲಕದ ಹೊಸ ಆಯಾಮಗಳ ನೆಲೆಗಳಿಗೆ ಅಭಿವ್ಯಕ್ತಿ ಸಾಧನವಾಗಿ ಬಿಂಬಿಸಿಕೊಳ್ಳುವದು ಇಂದಿನ ಅನಿವಾರ್ಯವಾಗಿದೆ ಎಂದು ಹಿರಿಯ ಬಂಡಾಯ ಸಾಹಿತಿ ಸತೀಶ ಕುಲಕಣರ್ಿ ಹೇಳಿದರು.

    ನಗರದ ಸರಕಾರಿ ನೌಕರರ ಭವನದಲ್ಲಿ  ತಾಲೂಕ ಕನ್ನಡ ಸಾಹಿತ್ಯ ಪರಿಷತ್ತು ವತಿಯಿಂದ ಹಮ್ಮಿಕೊಂಡಿದ್ದ  ಡಾ|| ವಿ.ಪಿ ದ್ಯಾಮಣ್ಣನವರ, ವಿ.ಎಂ ಪತ್ರಿ, ಮತ್ತು ಚನ್ನವೀರಪ್ಪ ಅಕ್ಕಿ ಇವರ ದತ್ತಿನಿಧಿ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

            ಕನ್ನಡ ಸಾಹಿತ್ಯ ಪ್ರಾಚೀನ ಕಾಲದಲ್ಲಿ ರಾಜಾಶ್ರಯದಲ್ಲಿ ಬೆಳೆದರೂ ಆಯಾ ಕಾಲಘಟ್ಟದ ತಲ್ಲಣಗಳಿಗೆ ಪರಿಹಾರ ನೀಡುತ್ತಿತ್ತು. ಪ್ರಸ್ತುತ ರಾಜ್ಯ ಸರಕಾರವು ಸಾವಿರ ಶಾಲೆಗಳಲ್ಲಿ ಆಂಗ್ಲ ಮಾಧ್ಯಮ ಪ್ರಾರಂಭಿಸುವ ಸಿದ್ಧತೆಯಲ್ಲಿದ್ದು, ಅದನ್ನು ವಿರೋಧಿಸುವದು ನಮ್ಮ ಆದ್ಯತೆಯಾಗಬೇಕಾಗಿದೆ. ಸರಕಾರದ ಹಠಮಾರಿ ಧೋರಣೆ ಮತ್ತೊಮ್ಮೆ ಗೋಕಾಕ ಮಾದರಿ ಚಳುವಳಿಗೆ ನಾಂದಿ ಹಾಡಿದರೂ ಅಚ್ಚರಿಯಿಲ್ಲ ಎಂದು ಹೇಳಿದರು. 

            ಮುಖ್ಯ ಅತಿಥಿಯಾಗಿದ್ದ ಡಾ|| ವಿರೂಪಾಕ್ಷಪ್ಪ ದ್ಯಾಮಣ್ಣನವರ ಮಾತನಾಡಿ, ಸಾಹಿತ್ಯದ ಓದು ನಮ್ಮನ್ನು ಸಮಾಜಮುಖಿಯಾಗಿಸಲು ಸಹಕಾರಿಯಾಗುತ್ತದೆ. ಏಕೆಂದರೆ ಸಾಹಿತ್ಯ ಕಾಲಾತೀತ ನಡಿಗೆಯಾಗಿದೆ. ಬದುಕಿನ ಅನನ್ಯತೆ, ಜೀವನ ಮೌಲ್ಯಗಳನ್ನು ಹಿಡಿದಿಟ್ಟುಕೊಂಡು, ಭವಿಷ್ಯದ ನಂಬಿಕೆ, ಆಚರಣೆ ಮತ್ತು ಬದ್ಧತೆಗಳನ್ನು ಪ್ರತಿಪಾದಿಸಲು ಜೀವಂತ ಪಳೆಯುಳಿಕೆ ಆಗಿದೆ ಎಂದು ಹೇಳಿದರು.

              ದತ್ತಿನಿಧಿಯಂತಹ ಕಾರ್ಯಕ್ರಮಗಳ ಮೂಲಕ ನಾಡು, ನುಡಿ, ಸಂಸ್ಕೃತಿಯನ್ನು ಒಂದು ಜನಾಂಗದಿಂದ ಮತ್ತೊಂದು ಜನಾಂಗಕ್ಕೆ ವಗರ್ಾಯಿಸುವ ಮಹತ್ತರ ಕಾರ್ಯ ಮಾಡುತ್ತಿದ್ದು, ಇಂತಹ ಕಾರ್ಯಕ್ರಮಗಳಿಗೆ ಸಹೃಯರು ದತ್ತಿನಿಧಿ ನೀಡುವುದರ ಮೂಲಕ ಕನ್ನಡ ಕಟ್ಟುವ ಕೆಲಸಕ್ಕೆ ಉದಾರತೆ ತೋರಬೇಕು. ಕನ್ನಡದ ಸಾಹಿತಿಗಳು ತಮ್ಮ ಮಕ್ಕಳನ್ನು ಕನ್ನಡ ಮಾಧ್ಯಮದಲ್ಲಿ ಓದಿಸುವದರ ಮೂಲಕ ಕನ್ನಡ ಉಳಿಸಿ ಬೆಳೆಸುವ ಕೈಂಕರ್ಯಕ್ಕೆ ನಾಂದಿ ಹಾಡಬೇಕು ಎಂದು  ಹೇಳಿದರು.

                  ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದ ತಾಲೂಕಾ ಕಸಾಪ ಅಧ್ಯಕ್ಷ ವಾಯ್.ಬಿ ಆಲದಕಟ್ಟಿ ಮಾತನಾಡಿ, ಹಾವೇರಿ ತಾಲೂಕಾ ಕಸಾಪ ಘಟಕಕ್ಕೆ ಇದುವರೆಗೂ 34 ದತ್ತಿನಿಧಿಗಳಿದ್ದು, ಜಿಲ್ಲೆಯಲ್ಲಿಯೇ ಅತಿಹೆಚ್ಚು ದತ್ತಿನಿಧಿ ಹೊಂದಿದ ಘಟಕವಾಗಿದ್ದು, ಕಸಾಪದ ಚಟುವಟಿಕೆಗಳು ನಿರಂತರವಾಗಿ ನಡೆಯಲು ಇವರ ಸಹಾಯ, ಸಹಕಾರ ಶ್ಲಾಘನೀಯವಾಗಿದ್ದು, ಇದೇ ತಿಂಗಳು 19 ಮತ್ತು 20 ರಂದು ಬ್ಯಾಡಗಿಯಲ್ಲಿ ಜಿಲ್ಲಾ ಸಾಹಿತ್ಯ ಸಮ್ಮೇಳನ ನಡೆಯುತ್ತಿದ್ದು, ಕನ್ನಡದ ತೇರನ್ನು ಎಳೆಯಲು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಬೇಕೆಂದು ಹೇಳಿದರು.

           ನಿವೃತ್ತ ಉಪನ್ಯಾಸಕ ಎಸ್.ಎಸ್ ಮೂಲಿಮನಿ ದತ್ತಿ ಉಪನ್ಯಾಸ ನೀಡಿದರು. ಖಾನಾಪುರ ತಾಲೂಕ ಸಮ್ಮೇಳನದ ಸವರ್ಾಧ್ಯಕ್ಷರಾದ್ದ ಸತೀಶ ಕುಲಕಣರ್ಿ ಅವರನ್ನು ದತ್ತಿದಾನಿ ಡಾ||ವಿ.ಪಿ ದ್ಯಾಮಣ್ಣನವರ ಸನ್ಮಾನಿಸಿ ಗೌರವಿಸಿದರು. ಎಂ.ಎಸ್ ಮರಿಗೂಳಪ್ಪನವರ ಕಾವ್ಯಗಳನ್ನು ಹಾಡಿದರು.

          ಸಮಾರಂಭದಲ್ಲಿ ಪೃಥ್ವಿರಾಜ ಬೆಟಗೇರಿ, ಜಗದೇವಯ್ಯ ಸಾವಿರಮಠ, ಸಿ.ಎಸ್ ಮರಳಿಹಳ್ಳಿ, ಚನ್ನವೀರಪ್ಪ ಅಕ್ಕಿ,  ರುದ್ರಪ್ಪ ಜಾಬೀನ,  ಅಜ್ಜನಗೌಡ್ರ ಗೌಡಪ್ಪನವರ, ಎಸ್.ಜಿ ಸಿದ್ದಮ್ಮನವರ, ಸಿ.ಎ ಕೂಡಲಮಠ, ಬಸಮ್ಮ ಹಳಕೊಪ್ಪ, ಅಕ್ಕಮಹಾದೇವಿ ಹಾನಗಲ್ಲ, ಎಸ್.ಆರ್ ಹಿರೇಮಠ, ಎ.ಬಿ ಗುಡ್ಡಳ್ಳಿ, ಎಸ.ಎಂ ಭಂಗಿ, ಆರ್.ಎಫ ಕಾಳೆ ಮತ್ತಿತರರು ಉಪಸ್ಥಿತರಿದ್ದರು.

                    ಆರಂಭದಲ್ಲಿ ಕೆ.ಆರ್ ಹಿರೇಮಠ ಪ್ರಾಥರ್ಿಸಿದರು. ಎಸ್.ಸಿ ಮರಳಿಹಳ್ಳಿ ಸ್ವಾಗತಿಸಿದರು. ಜಿ.ಎಂ ಓಂಕಾರಣ್ಣನವರ ದತ್ತಿದಾನಿಗಳ ಪರಿಚಯ ಮಾಡಿದರು,  ಎಸ್.ಎಂ ಬಡಿಗೇರ ಕಾರ್ಯಕ್ರಮ ನಿರೂಪಿಸಿದರು. ಕೊನೆಯಲ್ಲಿ ಎಸ್. ಚನ್ನವೀರಪ್ಪ ವಂದಿಸಿದರು.