ಕಬ್ಬು ಕಟಾವು ಸಾಗಣೆ ವೆಚ್ಚ ಬಿಟ್ಟು ಟನ್ ಗೆ  3,100 ಬೇಡಿಕೆ  

ಹೂವಿನಹಡಗಲಿ 19 : ಕಬ್ಬು ಕಟಾವು ಮತ್ತು ಸಾಗಣೆ ವೆಚ್ಚ ಬಿಟ್ಟು ಪ್ರತಿ ಟನ್ ಕಬ್ಬಿಗೆ  ?3100 ದರ ನಿಗದಿಯಾಗಬೇಕು. ಇಲ್ಲದಿದ್ದರೆ ಮೈಲಾರ ಮತ್ತು ವಿಜಯನಗರ ಸಕ್ಕರೆ ಕಾರ್ಖಾನೆ ಬಂದ್ ಮಾಡುತ್ತೇವೆಂದು ರೈತರು ನಿರ್ಧರಿಸಿದ್ದಾರೆ.ಪಟ್ಟಣದ ತಾಲೂಕು ಕಚೇರಿಯಲ್ಲಿ ಶನಿವಾರ ಜರುಗಿದ ಕಬ್ಬು ಬೆಳೆಗಾರರು ಮತ್ತು ಕಾರ್ಖಾನೆ ಅಧಿಕಾರಿಗಳ ಸಭೆಯಲ್ಲಿ, ಕಬ್ಬು ಬೆಳೆಗಾರರ ಸಂಘ ಜಿಲ್ಲಾಧ್ಯಕ್ಷ ರವಿನಾಯ್ಕ ಮತ್ತು ತಾಲೂಕು ಅಧ್ಯಕ್ಷ ಹಾಲೇಶ ಬೆನ್ನೂರು ಮಾತನಾಡಿ, ಕಾರ್ಖಾನೆ ಮಾಲಿಕರು, ರೈತರು ಬೆಳೆದ ಕಬ್ಬಿಗೆ ಸರಿಯಾದ ದರ ನಿಗಧಿ ಮಾಡಿಕೊಂಡು ಸಭೆಗೆ ಬಂದಿಲ್ಲ.ಇತ್ತ ವಿಜಯನಗರ ಕಾರ್ಖಾನೆ ದರ ? 3329 ರೈತ ರಿಗೆ ಒಪ್ಪಿಗೆ ಇಲ್ಲ ಎಂದರು.   ಬೀಜ,ರಸಗೊಬ್ಬರ. ಓಷಧಿ  ಬೆಲೆ ಮತ್ತು ಕಾರ್ಮಿಕರ ಕೂಲಿ ಹೆಚ್ಚಾಳದಿಂದ ಖರ್ಚು ಹೆಚ್ಚಾಗಿ ಮಾಡಲಾಗಿದೆ. ಈ ಕೂಡಲೇ ಕಾರ್ಖಾನೆ ಯವರು ಮೇಲಾಧಿಕಾರಿಗಳ ಜತೆಗೆ ಚರ್ಚಿಸಿ, ಕಬ್ಬು ಕಟಾವು ಮತ್ತು ಸಾಗಾಣೆ ವೆಚ್ಚ ಬಿಟ್ಟು ?3100 ದರ ನಿಗದಿ ಮಾಡಬೇಕು ಎಂದು ಒತ್ತಾಯಿಸಿದರು. ಇಲ್ಲದಿದ್ದರೆ ಕಾರ್ಖಾನೆ ಗೆ ಬೀಗ ಹಾಕುತ್ತೇವೆಂದು ಎಚ್ಚರಿಸಿದರು. ರೈತ ರು ಮನವಿಯನ್ನು ತಹಶಿಲ್ದಾರರ ಸಂತೋಷ ಕುಮಾರ ಅವರಿಗೆ ಸಲ್ಲಿಸಿದರು.ಈ ಬಗ್ಗೆ ಜಿಲ್ಲಾಧಿಕಾರಿ ಗಳಿಗೆ ಪತ್ರ ಬರೆದು ಮುಂದಿನ ಕ್ರಮ ಕೈಗೊಳ್ಳವುದಾಗಿ  ಹೇಳಿದರು. ಸಭೆಯಲ್ಲಿ ಕೃಷಿ ನಿರ್ದೇಶಕ ಮಹಮ್ಮದ್ ಆಶ್ರ​‍್, ತಾ.ಪಂ.ಹೇಮಂದ್ರಿ ನಾಯ್ಕ, ಮೈಲಾರ ಕಾರ್ಖಾನೆ ರಾಜಕುಮಾರ ಪಾಟೀಲ, ವಿಜಯನಗರ ಕಾರ್ಖಾನೆ ದೇವೀರ​‍್ಪ, ರೈತ ಸಂಘದ ಅದ್ಯಕ್ಷ ಸಿದ್ದಪ್ಪ, ಕಾರ್ಯದರ್ಶಿ ಶಿವರಾಜ್ ಹೊಳಗುಂದಿ, ಚಂದ್ರಶೇಖರ ಇದ್ದರು.