ದೇವರಹಿಪ್ಪರಗಿ 14: ಮಕ್ಕಳ ಸರ್ವಾಂಗೀಣ ಅಭಿವೃದ್ಧಿಯೇ ಶಿಕ್ಷಣದ ಮುಖ್ಯ ಆಶಯವಾಗಿದೆ. ಆದ್ದರಿಂದ ಮಕ್ಕಳಿಗೆ ಉತ್ತಮ ವಾತಾವರಣ ಸೃಷ್ಟಿಸುವ ಜವಾಬ್ದಾರಿ ಶಿಕ್ಷಕರು ಹಾಗೂ ಪಾಲಕರ ಮೇಲಿದೆ ಎಂದು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಉಪನ್ಯಾಸಕರಾದ ಪಿ.ಎಂ.ಪರಗೊಂಡ ಹೇಳಿದರು. 

     ಪಟ್ಟಣದ ಶಾಸಕರ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯ ಆವರಣದಲ್ಲಿ ಮಕ್ಕಳ ದಿನಾಚರಣೆಯ ಪ್ರಯುಕ್ತ ಶುಕ್ರವಾರ ಆಯೋಜಿಸಿದ್ದ ಪಾಲಕ, ಪೋಷಕ ಹಾಗೂ ಶಿಕ್ಷಕರ ಮಹಾಸಭೆಯಲ್ಲಿ ಉಪನ್ಯಾಸ ನೀಡಿದರು. ಗುಣಮಟ್ಟದ ಶಿಕ್ಷಣ ನೀಡುವಲ್ಲಿ ಪಾಲಕರ ಪೋಷಕರ ಶಿಕ್ಷಕರ ಪಾತ್ರವನ್ನು ಸಮುದಾಯದ ಪಾಲುದಾರಿಕೆಯ ಕುರಿತು, ಪ್ರಸ್ತುತ ದಿನಮಾನಗಳಲ್ಲಿ ಮೊಬೈಲ್ ಬಳಕೆ ಅದರ ದುರುಪಯೋಗ ಹಾಗೂ ಸದುಪಯೋಗದ ಕುರಿತು ಮಾತನಾಡಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಎಸ್‌.ಡಿ.ಎಂ. ಸಿ ಅಧ್ಯಕ್ಷರಾದ ಸಂಪತ್ ಜಮಾದಾರ ಅವರು ಮಾತನಾಡಿದರು.

    ಇದೇ ಸಂದರ್ಭದಲ್ಲಿ ಶಾಲೆಯ ಮುಖ್ಯ ಗುರುಗಳಾದ ಪಿ.ಸಿ. ತಳಕೇರಿ, ಶಿಕ್ಷಕರುಗಳಾದ ಪಿ.ಬಿ. ಪೂಜಾರಿ,ಎಂ.ಎಸ್‌. ಶಿವಣಗಿ, ಎಚ್‌.ಪಿ.ಮೆಳ್ಳಿ, ಶ್ರೀದೇವಿ ಕೆಂಗನಾಳ, ಎ.ಆರ್‌. ಶಿಕ್ಕೇರಿ, ಅತಿಥಿ ಶಿಕ್ಷಕರುಗಳಾದ ದಾನಮ್ಮ ಬಡಿಗೇರ, ಫ್ಯಾಜನ್ನಿಸಾ ಮುಲ್ಲಾ, ಸುರೇಶ ಬಡಿಗೇರ, ರೈತ ಸಂಘದ ಮಹಿಳಾ ಅಧ್ಯಕ್ಷರಾದ ರೇಣುಕಾ ಪಾಟೀಲ ಸೇರಿದಂತೆ ಎಸ್‌.ಡಿ.ಎಂ.ಸಿ ಪದಾಧಿಕಾರಿಗಳು, ಪಾಲಕರು ಹಾಗೂ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.