ವಿಜೃಂಭಣೆಯಿಂದ ಜರುಗಿದ ಶ್ರೀ ಸಿದ್ದೇಶ್ವರ ಸ್ವಾಮಿ ಪಲ್ಲಕ್ಕಿ ಉತ್ಸವ  

ಹೂವಿನ ಹಡಗಲಿ 10: ತಾಲೂಕಿನ ಹೊಳಗುಂದಿ ಗ್ರಾಮದಲ್ಲಿ ಶ್ರಾವಣ ಮಾಸ ನೂಲ ಹುಣ್ಣುಮೆ ಪ್ರಯುಕ್ತ  ಶ್ರೀ ಸಿದ್ದೇಶ್ವರ ಸ್ವಾಮಿ  ಪಲ್ಲಕ್ಕಿ ಉತ್ಸವ ಭಾನುವಾರ  ವಿಜೃಂಭಣೆಯಿಂದ ನೆರವೇರಿತು.  ಸ್ವಾಮಿಗೆ ಅಭಿಷೇಕ. ಬಿಲ್ವಾರ್ಜನೆ. ಮಹಾ ಮಂಗಳಾರತಿ ಸೇರಿದಂತೆ ಪೂಜಾ ಕಾರ್ಯಕ್ರಮಗಳು ನಡೆದವು.ಅಳವುಂಡಿ ಹಿರೇಮಠ ಮರುಳಾರಾದ್ಯ ಶಿವಾಚಾರ್ಯ ಸ್ವಾಮಿಗಳ ನೇತೃತ್ವದಲ್ಲಿ ಶ್ರೀ ಸಿದ್ದೇಶ್ವರ ಸ್ವಾಮಿಯ ಪಲ್ಲಕ್ಕಿ ಉತ್ಸವ   ಬೆಳಿಗ್ಗೆ 11ಕ್ಕೆ ಗ್ರಾಮದ ಮಧ್ಯಭಾಗದಲ್ಲಿ ರುವ ಶ್ರೀ ವೀರಭದ್ರೇಶ್ವರ ದೇವಸ್ಥಾನ ದಿಂದ ವಿವಿಧ ಹೂಗಳಿಂದ ಅಲಂಕೃತಗೊಂಡಿದ್ದ   ಸ್ವಾಮಿಯನ್ನು ಪಲ್ಲಕ್ಕಿಯನ್ನು ಅಲಂಕೃತಗೊಳಿಸಲಾಯಿತು. ಸ್ವಾಮಿಯ  ಉತ್ಸವದ ಪ್ರಯುಕ್ತ ನಂದಿಕೋಲು, ತಮಟೆ, ವೀರಗಾಸೆ ಕುಣಿತ, ಮಂಗಳವಾದ್ಯಗಳೊಂದಿಗೆ ಮೆರವಣಿಗೆ ವಿಜೃಂಭಣೆಯಿಂದ ಸಾಗಿತು.ಡ್ರಮ್  ಮೆರವಣಿಗೆ ಯಲ್ಲಿ ಮೆರಗು ಹೆಚ್ಚಿಸಿದರು. ಪಲ್ಲಕ್ಕಿ ಸಾಗಿದ ಕಡೆಯಲೆಲ್ಲಾ ಭಕ್ತರು  ಹಣ್ಣುಕಾಯಿ ಅರ​‍್ಿಸಿ ಪುನೀತರಾದರು.   ಉತ್ಸವ ಮೆರವಣಿಗೆ ಸಿದ್ದೇಶ್ವರ ದೇವಸ್ಥಾನದಲ್ಲಿ ಸಂಪನ್ನಗೊಡಿತು. ದೇವಸ್ಥಾನ ದ ಪದಾಧಿಕಾರಿಗಳು. ಗ್ರಾಮಸ್ಥರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿದ್ದರು.