ಹೂವಿನಹಡಗಲಿ 30:  ತಾಲೂಕಿನ ಹೊಳಗುಂದಿ ಮತ್ತು ಮೊರಗೇರಿ ಮಾರ್ಗ ಮಧ್ಯ ಬರುವ ಶಿವ ಕಂಚಿ ಮಠದ ಶ್ರೀ ಸದ್ಗುರು ಮಹಾದೇವ ತಾತನ ರಥೋತ್ಸವ  ಮಂಗಳವಾರ ಸಂಜೆ 5.30ಕ್ಕೆ ವಿಜೃಂಭಣೆಯಿಂದ ಜರುಗಿತು.ದೇವಸ್ಥಾನದಿಂದ ಅಲಂಕೃತ ಪಲ್ಲಕ್ಕಿಯ ಭವ್ಯ ಮೆರವಣಿಗೆಯಲ್ಲಿ ಸಾಗಿ ಬಂದ ಸ್ವಾಮಿಯ ಉತ್ಸವ ಮೂರ್ತಿ ರಥದಲ್ಲಿ ಪ್ರತಿಷ್ಠಾಪಿಸಲಾಯಿತು.ಮಹಾಮಂಗಳಾರತಿ ಬಳಿಕ ಭಕ್ತರ ಜಯಘೋಷ, ಹರ್ಷೋದ್ಘಾರದ ನಡುವೆ ರಥೋತ್ಸವ ಚಾಲನೆ ಪಡೆದುಕೊಂಡಿತು.ಸಮಾಳ, ನಂದಿಕೋಲು,ಮಂಗಳವಾದ್ಯಗಳು   ಮೆರಗು ತಂದವು. ರಥ ಬೀದಿಯಲ್ಲಿ ನೆರೆದಿದ್ದ ಜನರು ರಥಕ್ಕೆ ಬಾಳೆಹಣ್ಣು ಎಸೆದು ಭಕ್ತಿಯಿಂದ ಕೈ ಮುಗಿದರು.  ಟ್ರಸ್ಟ್‌ ಕಮಿಟಿ ಅದ್ಯಕ್ಷ ದಳಪತಿ ಕೊಟ್ರಗೌಡ  ಪದಾಧಿಕಾರಿಗಳು,ಹೊಳಗುಂದಿ, ಉತ್ತಂಗಿ.ಇಟ್ಟಗಿ,  ನಂದಿಹಳ್ಳಿ ಮೊರಗೇರಿ, ಹಗರಿಬೊಮ್ಮನಹಳ್ಳಿ. ವರದಾಪುರ, ಕೊಟ್ಟೂರು ಸೇರಿದಂತೆ  ಅಪಾರ ಜನರು ಭಾಗವಹಿಸಿದ್ದರು. ಬೆಳಿಗ್ಗೆ ಸ್ವಾಮಿಗೆ ವಿಶೇಷ ಪೂಜೆ ಸಲ್ಲಿಸಿದರು.ಭಕ್ತರು ಮಹಾದೇವ ತಾತನಿಗೆ ದೀಡ್ ನಮಸ್ಕಾರ ಹಾಕಿ ಹರಕೆಯನ್ನು ಸಲ್ಲಿಸಿದರು.