ಹಿರಿಯ ರಾಜಕಾರಣಿ ಕೆ. ಬಿ. ಕೋಳಿವಾಡ : ನವೆಂಬರ್ 1 ರಂದು ಹುಟ್ಟುಹಬ್ಬ - ಶ್ರದ್ಧಾಂಜಲಿ ವಾಹನ ಲೋಕಾರೆ​‍್ಣ   

 ರಾಣೇಬೆನ್ನೂರು :29 ನಾಡು ಕಂಡ ಹಿರಿಯ ರಾಜಕಾರಣಿ, ಮಾಜಿ ವಿಧಾನಸಭಾಧ್ಯಕ್ಷ ಕೃಷ್ಣಪ್ಪ ಭೀಮಪ್ಪ ಕೋಳಿವಾಡ ಅವರ ಹುಟ್ಟುಹಬ್ಬವನ್ನು, ನವೆಂಬರ್ 1,2025 ರಂದು ಇಲ್ಲಿನ ವಿನಾಯಕ ನಗರದ ಕಾಂಗ್ರೆಸ್ ಕಾರ್ಯಾಲಯದಲ್ಲಿ ನಡೆಯಲಿದೆ ಎಂದು " ಶ್ರೀ ಕೆ. ಬಿ.ಕೋಳಿವಾಡ" ಅಭಿಮಾನಿ ಬಳಗವು ತನ್ನ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.  

 ಈ ಕುರಿತು ಮಾಧ್ಯಮ ಪ್ರಕಟಣೆ ನೀಡಿರುವ ಅಭಿಮಾನಿ ಬಳಗದ ಮುಖಂಡರು,  ಕೋಳಿವಾಡರು ಈ ನಾಡು ಕಂಡ ಅತ್ಯಂತ ಹಿರಿಯ ರಾಜಕಾರಣಿ. ಕಾಂಗ್ರೆಸ್ ಪಕ್ಷದಲ್ಲಿ ತಳಮಟ್ಟದ ಕಾರ್ಯಕರ್ತರಿಂದ ಹಿಡಿದು,ಉನ್ನತ ಮಟ್ಟದವರೆಗೂ ತಮ್ಮ ಪ್ರಬುದ್ಧತೆಯಿಂದ ಹಲವು ಹುದ್ದೆಗಳನ್ನು ಅಲಂಕರಿಸಿದವರು. ಅಂಥವರ ಹುಟ್ಟುಹಬ್ಬವನ್ನು ಅವರ ಅಭಿಮಾನಿ ಬಳಗವು ಅತ್ಯಂತ ಅಭಿಮಾನದಿಂದ ಆಯೋಜಿಸಲಾಗಿದೆ. ಎಂದರು.  

     ಅಭಿಮಾನಿ ಬಳಗ ಮತ್ತು ಪಿಕೆಕೆ ಇನಿಶಿಯೇಟಿವ್ ಅವರ ಮಾರ್ಗದರ್ಶನದಲ್ಲಿ ಈ ಬಾರಿಯ ಹುಟ್ಟುಹಬ್ಬವನ್ನು ಯಾವುದೇ ಆಡಂಬರವಿಲ್ಲದೆ ಅತ್ಯಂತ ಸರಳವಾಗಿ ಮತ್ತು ಸಾರ್ವಜನಿಕರಿಗೆ  ಅನುಕೂಲವಾಗುವ ನಿಟ್ಟಿನಲ್ಲಿ ಸಮುದಾಯದ ಕಾರ್ಯಕ್ರಮಗಳೊಂದಿಗೆಆಚರಿಸಲು  ಮುಂದಾಗಿದ್ದೇವೆ ಎಂದಿದ್ದಾರೆ.  

 ವಿನಾಯಕ ನಗರದ ಕೆ.ಬಿ. ಕೋಳಿವಾಡ ಸಭಾಭವನದಲ್ಲಿ ಅಂದು ಕಾರ್ಯಕ್ರಮ ನಡೆಯಲಿದ್ದು, ಇದೇ ಸಂದರ್ಭದಲ್ಲಿ  ಪಾರ್ಥಿವ ಶರೀರವನ್ನು ಸಾಗಿಸುವ  "ಶ್ರದ್ಧಾಂಜಲಿ" ವಾಹನ, ಮತ್ತು ಮಕ್ಕಳ ಶೈಕ್ಷಣಿಕ ಪ್ರಗತಿಗಾಗಿ ರಾಜ್ಯದಲ್ಲಿಯೇ ಪ್ರಥಮ ವೆನ್ನಬಹುದಾದ" ರೋಬೋಟ್ " ಟೀಚರ್ ಲೋಕಾರೆ​‍್ಣ ಯಾಗಲಿದೆ.  ನಡೆಯುವ ಎಲ್ಲಾ ಕಾರ್ಯಕ್ರಮಗಳಲ್ಲಿ ಅವರ ಅಭಿಮಾನಿಗಳು, ರಾಜಕೀಯ ನಾಯಕರು ಪಾಲ್ಗೊಂಡು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸುವಂತೆ ಅಭಿಮಾನಿ ಬಳಗವು ಕೋರಿದೆ.