ದೇವರಹಿಪ್ಪರಗಿ 19: ತಾಲೂಕಿನ ಜಾಲವಾದ ಗ್ರಾಮದ ಕರ್ನಾಟಕ ಪಬ್ಲಿಕ್ ಸ್ಕೂಲ್ (ಪ್ರೌ.ವಿ) ಶಾಲಾ ಹಂತದ ವಿಜ್ಞಾನ ವಸ್ತು ಪ್ರದರ್ಶನವನ್ನು ಗುರುವಾರದಂದು ರಾಷ್ಟ್ರೀಯ ಆವಿಷ್ಕಾರ ಸಪ್ತಾಹದ ಅಂಗವಾಗಿ ಉದ್ಘಾಟನಾ ಸಮಾರಂಭ ಜರುಗಿತು.ಉದ್ಘಾಟನೆಯನ್ನು ಶಾಲಾಭಿವೃದ್ಧಿ ಸಮಿತಿಯ ಉಪಾಧ್ಯಕ್ಷ ರಾದ  ರಾಜಶೇಖರ ಗುಂದಗಿ ಯವರು ನೆರವೇರಿಸಿದರು.ಮುಖ್ಯ ಅತಿಥಿಗಳಾಗಿ ಕಾಲೇಜಿನ ಪ್ರಾಚಾರ್ಯರಾದ  ಎಸ್, ಆರ್, ಮೇತ್ರಿ ಯವರು ಮಾತನಾಡಿ ಸಣ್ಣ ಸಣ್ಣ ಆವಿಷ್ಕಾರಗಳು ದೊಡ್ಡ ಆವಿಷ್ಕಾರಗಳಿಗೆ ಪ್ರೇರಣೆಯಾಗುತ್ತದೆ ಎಂದು ಹೇಳುತ್ತಾ ವಿದ್ಯಾರ್ಥಿಗಳು ವಸ್ತು ಪ್ರದರ್ಶನದ ಪ್ರಯೋಜನ ಪಡೆದುಕೊಳ್ಳಬೇಕು ಎಂದು ಹೇಳಿದರು.

             ಉದ್ಘಾಟನಾ ಸಮಾರಂಭದ ಅಧ್ಯಕ್ಷತೆಯನ್ನು ಶಾಲಾ ಉಪ ಪ್ರಾಂಶುಪಾಲರಾದ  ಎ, ಎಮ್, ಹೊಸಗೌಡರ ವಹಿಸಿಕೊಂಡು ಅಧ್ಯಕ್ಷ ಭಾಷಣದಲ್ಲಿ  ವಸ್ತು ಪ್ರದರ್ಶನ ಯಶಸ್ವಿಯಾಗಲಿ ಎಂದು ಶುಭ ಹಾರೈಸಿದರು.ಕಾರ್ಯಕ್ರಮದಲ್ಲಿ ಶಾಲಾ ಶಿಕ್ಷಕರಾದ  ಬಿ,ಎಸ್, ಅಗಸಬಾಳ , ಪಿ.ಕೆ, ಕುಲಕರ್ಣಿ, ಜಿ, ಆರ್, ಕುಂಬಾರ,  ಬಸವರಾಜ ಕಮತರ,ಶ್ರೀಮತಿ ಆರ್ ಎಫ್ ನದಾಫ, ಜಿ.ಕೆ, ಕುಳೆಕುಮಟಗಿ, ಎ,ಎಸ್, ಪತ್ತಾರ, ಎಂ, ಡಿ, ಹಳ್ಳಿ,ಶ್ರೀಮತಿ ಕವಿತಾ ಪಾಟೀಲ ಅತಿಥಿ ಶಿಕ್ಷಕರಾದ ಆಕಾಶ ಚವ್ಹಾಣ,ವಿಜಯಕುಮಾರ ರುಕುಂಪೂರ,ಎಚ್,ಬಿ, ಹೆಬ್ಬಾಳ,ಕಿರಣರಾಜ ಕೊಟಗಿ ಹಾಜರಿದ್ದರು.ಕಾರ್ಯಕ್ರಮದಲ್ಲಿ  ಎಮ್, ಎಚ್, ಬಗಲಿ ಶಿಕ್ಷಕರು ಪ್ರಾಸ್ತಾವಿಕ  ನುಡಿಗಳನ್ನು ಆಡಿದರು. ಎಸ್, ಜೆ, ನಾಟೀಕಾರ ಶಿಕ್ಷಕರು ಕಾರ್ಯಕ್ರಮವನ್ನು ನಿರೂಪಿಸಿ ವಂದಿಸಿದರು.