ಮತಗಳ್ಳತನದ ಮೂಲಕ ಅಧಿಕಾರದ ಗದ್ದುಗೆ ಏರುವದು ಸಂವಿಧಾನ ವಿರೋಧಿ ಕ್ರಮ : ದೇಶಪಾಂಡೆ  

ಕಾರವಾರ 15 : ದಾಂಡೇಲಿಗೆ ಸಮೀಪದ ಅಂಬೇವಾಡಿ ಗ್ರಾಮ ಪಂಚಾಯತಿ ವ್ಯಾಪ್ತಿಯ ನವಗ್ರಾಮದಲ್ಲಿ ಈಚೆಗೆ  ದಾಂಡೇಲಿ ತಾಲೂಕಾ ಬ್ಲಾಕ್ ಕಾಂಗ್ರೆಸ್ ವತಿಯಿಂದ ಓಟ್ ಚೋರಿ ವಿರುದ್ಧ ಸಹಿ  ಸಂಗ್ರಹಣಾ ಅಭಿಯಾನಕ್ಕೆ ರಾಜ್ಯ ಆಡಳಿತ ಸುಧಾರಣಾ ಆಯೋಗದ ಅಧ್ಯಕ್ಷರು ಸ್ಥಳೀಯ ಶಾಸಕರಾದ ಆರಿ​‍್ವ.ದೇಶಪಾಂಡೆ ಚಾಲನೆ ನೀಡಿದರು. ಅಭಿಯಾನಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು ಮತಗಳ್ಳತನದ ಮೂಲಕ ಅಧಿಕಾರದ ಗದ್ದುಗೆ ಏರುವದು ಸಂವಿಧಾನ ವಿರೋಧಿ ಕ್ರಮವಾಗಿದೆ. ಈ ಕಳ್ಳಮಾರ್ಗದ ಮೂಲಕ ದೇಶದಲ್ಲಿ ಬಿ.ಜೆ.ಪಿ. ಅಧಿಕಾರ ಹಿಡಿದು ಆಡಳಿತ ನಡೆಸುತ್ತಿದೆ. ಆದ್ದರಿಂದ ಪ್ರತಿಯೊಬ್ಬ ಮತದಾರರು ಮತದಾರರ ಪಟ್ಟಿಯಲ್ಲಿ ತಮ್ಮ ಹೆಸರು ಇದೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಬೇಕು. ಹೆಸರು ಇಲ್ಲದಿದ್ದರೆ ಸರ್ಕಾರದಿಂದ ನೇಮಿಸಲಾಗಿರುವ ಬಿ.ಎಲ್‌. ಓ ಗಳಿಗೆ ದೂರು ನೀಡಿ ಸರಿಪಡಿಸಿಕೊಳ್ಳಬೇಕು. ಉತ್ತಮ ಬಾಂಧವ್ಯವಿದೆ : ರಾಜ್ಯದ ಮುಖ್ಯಮಂತ್ರಿಗಳೊಟ್ಟಿಗೆ ತಮಗಿರುವ ಭಾಂದವ್ಯದ ಕುರಿತು ವಿವರಿಸಿ, ಸಿದ್ದರಾಮಯ್ಯನವರ ದೂರದೃಷ್ಠಿಯ ಪಂಚಗ್ಯಾರಂಟಿ ಯೋಜನೆಗಳ ಜಾರಿಯಿಂದ ಮಹಿಳೆಯರಿಗಾಗಿರುವ ಲಾಭದ ಕುರಿತು ಹಾಸ್ಯಮಯವಾಗಿ ನೆರೆದಿದ್ದ ಜನರೊಟ್ಟಿಗೆ ಸಂವಾದ ನಡೆಸಿದ ಅವರು ಇಂತಹ ಗ್ಯಾರಂಟಿ ಕಾರ್ಯಕ್ರಮಗಳ ಅನುಷ್ಠಾನ ಸಿದ್ದರಾಮಯ್ಯನವರಿಂದ ಮಾತ್ರ ಸಾಧ್ಯ. ಬಡವರ ಪರ ಕಾರ್ಯಕ್ರಮಗಳನ್ನು ಅನುಷ್ಠಾನ ಮಾಡಲು ಯಾವ ಹಿಂಜರಿಕೆ ಮಾಡಲಾರರು. ರಾಜ್ಯದಲ್ಲಿ ಪಂಚ ಗ್ಯಾರಂಟಿ ಯೋಜನೆಯ ಲಾಭ ಎಲ್ಲ ವರ್ಗದವರಿಗೂ ತಲುಪಿದೆ ಎಂದರು. ಈ ಸಂಧರ್ಭದಲ್ಲಿ ದಾಂಡೇಲಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮೋಹನ ಹಲವಾಯಿ, ನಗರಸಭೆ ಅಧ್ಯಕ್ಷ ಅಷ್ಟಾಕ್ ಶೇಖ ಮಾತನಾಡಿ ಕಾಂಗ್ರೆಸ್ ರಾಷ್ಟ್ರೀಯ ನಾಯಕರಾದ ರಾಹುಲ ಗಾಂಧಿಯವರು ಮತಗಳ್ಳತನದ ಅಭಿಯಾನ ನಡೆಸಿದ್ದು, ಈ ಅಭಿಯಾನಕ್ಕೆ ಎಲ್ಲರೂ ಕೈಜೋಡಿಸಿ ಗ್ರಾಮೀಣ ಮತದಾರರು ಜಾಗೃತರಾಗಬೇಕೆಂದು ನುಡಿದರು. ವೇದಿಕೆಯಲ್ಲಿ ಪಂಚಗ್ಯಾರಂಟಿ ಸಮಿತಿ ಅಧ್ಯಕ್ಷ ರಿಯಾಜ್ ಬಾಬು ಸಯ್ಯದ್, ಪ್ರಧಾನ ಕಾರ್ಯದರ್ಶಿ ಇ ಕ್ಬಾಲ್ ಶೇಖ,  ಮತ್ತಿತರರು ಉಪಸ್ಥಿತರಿದ್ದರು.