ಬಾಗಲಕೋಟೆ: ಜಿಲ್ಲೆಯಲ್ಲಿ ಓರ್ವ ಪೊಲೀಸ್ ಸಿಬ್ಬಂದಿ ಸೇರಿದಂತೆ ಇಬ್ಬರು ಕೋವಿಡ್-19 ದಿಂದ ಗುಣಮುಖರಾಗಿದ್ದು, ಜಿಲ್ಲೆಯಲ್ಲಿ ಗುಣಮುಖರಾದವರ ಸಂಖ್ಯೆ 21ಕ್ಕೆ ಏರಿಕೆಯಾಗಿದೆ ಎಂದು ಜಿಲ್ಲಾಧಿಕಾರಿ ಕ್ಯಾಪ್ಟನ್ ಡಾ.ಕೆ.ರಾಜೇಂದ್ರ ತಿಳಿಸಿದ್ದಾರೆ.

ಮುಧೋಳನ 43 ವರ್ಷದ ಪೊಲೀಸ್ ಸಿಬ್ಬಂದಿ ಪಿ-380 ಮತ್ತು ಇವರ 14 ವರ್ಷದ ಮಗ ಪಿ-468 ಕೋವಿಡ್ನಿಂದ ಗುಣಮುಖರಾದವರು. ಗುಣಮುಖರಾದವರನ್ನು ಚಪ್ಪಾಳೆ ತಟ್ಟುವ ಮೂಲಕ ಜಿಲ್ಲಾ ಆಸ್ಪತ್ರೆಯ ಶಸ್ತ್ರ ಚಿಕಿತ್ಸಕ ಡಾ.ಪ್ರಕಾಶ ಬಿರಾದಾರ ಮತ್ತು ಜಿಲ್ಲಾ ವೈದ್ಯಾಧಿಕಾರಿ ಡಾ.ಚಂದ್ರಕಾಂತ ಜವಳಿ ಪ್ರಮಾಣ ಪತ್ರ ವಿತರಿಸುವ ಮೂಲಕ ಬೀಳ್ಕೊಡಲಾಯಿತು. 

   ಜಿಲ್ಲಾ ಆಸ್ಪತ್ರೆಯ ಅಂಬುಲೇನ್ಸ್ ಮೂಲಕ ಅವರನ್ನು ಕಳುಹಿಸಿಕೊಡಲಾಯಿತು.  ಜಿಲ್ಲೆಯಿಂದ ಕಳುಹಿಸಲಾದ ಒಟ್ಟು 90 ಸ್ಯಾಂಪಲ್ಗಳ ಪೈಕಿ 87 ಸ್ಯಾಂಪಲ್ಗಳ ವರದಿ ನೆಗಟಿವ್ ಬಂದಿದ್ದು, ಉಳಿದ 3 ಸ್ಯಾಂಪಕ್ಗಳು ರಿಜೆಕ್ಟ ಆಗಿರುತ್ತವೆ. ಪ್ರತ್ಯೇಕವಾಗಿ ನಿಗಾದಲ್ಲಿ ಒಟ್ಟು 938 ಇದ್ದು, ಇನ್ಸಿಟಿಟ್ಯೂಟ್ ಕ್ವಾರಂಟೈನ್ನಲ್ಲಿ 315 ಜನ ನಿಗಾದಲ್ಲಿ ಇದ್ದಾರೆ. 

  ಇಲ್ಲಿವರೆಗೆ ಗುಣಮುಖರಾದವರು 31 ಜನ ಇದ್ದು, ಇನ್ನು ಕೋವಿಡ್ ಚಿಕಿತ್ಸೆ ಪಡೆಯುತ್ತಿರುವವರು 29 ಜನ. ಜಿಲ್ಲೆಯಲ್ಲಿ ಒಟ್ಟು ಕಂಟೈನ್ಮೆಂಟ್ ಝೋನ್ಗಳು 12 ಇದ್ದು, ಒಟ್ಟು 9 ಸ್ಯಾಂಪಲ್ಗಳು ರಿಜೆಕ್ಟ ಆಗಿರುತ್ತವೆ. 28 ದಿನಗಳ ಹೋಮ್ ಕ್ವಾರಂಟೈನ್ನಿಂದ ಒಟ್ಟು 198 ಜನರನ್ನು ಬಿಡುಗಡೆ ಮಾಡಲಾಗಿದೆ ಎಂದು ಜಿಲ್ಲಾಧಿಕಾರಿಗಳು ತಿಳಿಸಿದ್ದಾರೆ.