ಕಾಗವಾಡ 12: ಚಿಕ್ಕೋಡಿ ತಾಲೂಕಿನ ಇಂಗಳಿ ಗ್ರಾಮದ ಪತ್ರಕರ್ತ ರಾಜು ಕೋಳಿ ಇವರು ಇತ್ತಿಚಿಗೆ ಸದಲಗಾ ವಿಭಾಗ ಪತ್ರಕರ್ತರ ಸಂಘದ ಅಧ್ಯಕ್ಷರಾಗಿ ಅವಿರೋಧವಾಗಿ ಆಯ್ಕೆಯಾಗಿದ್ದು, ತಾಲೂಕಿನ ಶಿರಗುಪ್ಪಿ ಗ್ರಾಮದ ಗೆಳೆಯರ ಬಳಗದ ಸದಸ್ಯರು ಶಿರಗುಪ್ಪಿಯ ಅಮೃತ ಗಾರ್ಡನ್ ಹೊಟೇಲ್‌ನ ಸಭಾ ಭವನದಲ್ಲಿ ರವಿವಾರ ದಿ. 11ರಂದು ಅವರನ್ನು ಸನ್ಮಾನಿಸಿ, ಅಭಿನಂದಿಸಿದ್ದಾರೆ. 

ರಾಜು ಕೋಳಿ ಅವರು ಕಾಗವಾಡ, ಚಿಕ್ಕೋಡಿ ತಾಲೂಕಿನಲ್ಲಿ ಕಳೆದ ಅನೇಕ ವರ್ಷಗಳಿಂದ ಪತ್ರಕರ್ತರಾಗಿ ಸೇವೆ ಸಲ್ಲಿಸುತ್ತಿದ್ದು, ಸದಲಗಾ ವಿಭಾಗ ಪತ್ರಕರ್ತರ ಸಂಘದ ವತಿಯಿಂದ ಇತ್ತಿಚಿಗೆ ನಡೆದ ಸಭೆಯಲ್ಲಿ ಅವರನ್ನು ಅಧ್ಯಕ್ಷರಾಗಿ ಅವಿರೋಧವಾಗಿ ಆಯ್ಕೆ ಮಾಡಲಾಗಿತ್ತು. 

ರಮೇಶ ಗುರವ, ರವಿ ಕುರುಂದವಾಡೆ, ರಾಜು ಮೊನೆ, ಲಕ್ಷ್ಮಣ ಚವ್ಹಾನ, ಗೀರೀಶ ಪಾಟೀಲ, ಮಾದಗೌಡ ಪಾಟೀಲ, ಶೀತಲ್ ಮೊನೆ, ಮಹೇಶ ಪಾಟೀಲ, ದಾದಾ ಚಂದೂರೆ, ಶೆಟ್ಟು ವಡ್ಡರ, ಸುರೇಶ ಪಾಟೀಲ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.