ಪೊಲೀಸ್ ದಾಳಿ: ಅನಧಿಕೃತವಾಗಿ ಬೆಳೆದಿದ್ದ ಗಾಂಜಾ ಗಿಡಗಳು ವಶ, ಆರೋಪಿ ಬಂಧನ  

ರಾಯಬಾಗ 14: ತಾಲೂಕಿನ ನಿಡಗುಂದಿ ಗ್ರಾಮದ ಜಮೀನಿನಲ್ಲಿ ಅನಧಿಕೃತವಾಗಿ ಬೆಳೆದಿದ್ದ ಗಾಂಜಾ ಮಾದಕ ಪದಾರ್ಥ ಗಿಡಗಳನ್ನು ಪೊಲೀಸರು ವಶಪಡಿಸಿಕೊಂಡಿರುವ ಘಟನೆ ಶನಿವಾರ ನಡೆದಿದೆ. 

ಬೆಳಗಾವಿ ಎಸ್‌.ಪಿ ಭೀಮಾಶಂಕರ ಗುಳೇದ ಅವರ ಮಾರ್ಗದರ್ಶನದಲ್ಲಿ ಖಚಿತ ಮಾಹಿತಿಯೊಂದಿಗೆ ರಾಯಬಾಗ ಸಿಪಿಐ ಬಿ.ಎಸ್‌.ಮಂಟೂರ ಅವರ ನೇತೃತ್ವದ ಪೊಲೀಸ ತಂಡ ಶನಿವಾರ ಬೆಳಿಗ್ಗೆ ತಾಲೂಕಿನ ನಿಡಗುಂದಿ ಗ್ರಾಮದ ಸಿಂಗಾಡಿ ಮಾಳಪ್ಪ ಹಿರೇಕೊಡಿ ಇತನ ಜಮೀನಿನಲ್ಲಿ ಕಾರ್ಯಾಚರಣೆ ನಡೆಸಿ, ಜಮೀನದಲ್ಲಿನ ಕಬ್ಬಿನ ಬೆಳೆಯಲ್ಲಿ ಅನಧಿಕೃತವಾಗಿ ಬೆಳೆದಿದ್ದ ಸುಮಾರು 205 ಹಸಿ ಗಾಂಜಾ ಗಿಡಗಳು, ಹೂ, ಕಾಂಡ, ಬೇರು ಸಮೇತ ಒಟ್ಟು 441 ಕೆ.ಜಿ 830 ಗ್ರಾಂ ತೂಕಿನ ಅಂದಾಜು 22 ಲಕ್ಷ ರೂ. ಮೌಲ್ಯದ ಹಸಿ ಗಾಂಜಾವನ್ನು ವಶಪಡಿಸಿಕೊಂಡಿದ್ದಾರೆ. 

ಆರೋಪಿ ಸಿಂಗಾಡಿ ಹಿರೇಕೋಡಿ ಇತನನ್ನು ಪೊಲೀಸರು ಬಂಧಿಸಿ, ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ.  

ಕಾರ್ಯಾಚರಣೆಯಲ್ಲಿ ಪಿ.ಎಸ್‌.ಐ ನರಸಿಂಹರಾಜು ಹಾಗೂ ಪೊಲೀಸ ಸಿಬ್ಬಂದಿ ಭಾಗವಹಿಸಿದ್ದರು.