ದಾಂಡೇಲಿ 19: ದಾಂಡೇಲಿ ನಗರದ ತೀರಾ ಬಡ ಕುಟುಂಬದಲ್ಲಿ ಬೆಳೆದ 30 ವರ್ಷದ  ಪದ್ಮಾವತಿ ಎನ್‌.ಎಮ್‌. ಅವರು 2025 ರ ನ್ಯಾಯಾಂಗ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿ ಸಿವಿಲ್ ನ್ಯಾಯಾಧೀಶರಾಗಿ ಆಯ್ಕೆಯಾಗುವ ಮೂಲಕ ಮಹತ್ತರ ಸಾಧನೆ ಮಾಡಿದ್ದಾರೆ. ಪದ್ಮಾವತಿಯವರು ಕಡು ಬಡತನದ ಪ್ರದೇಶದಲ್ಲಿ ದಾಂಡೇಲಿಯಲ್ಲಿ ಪ್ರಾಥಮಿಕ ಶಾಲೆಯಿಂದ ಪದವಿ ಕಾಲೇಜಿನವರೆಗೆ ಶಿಕ್ಷಣವನ್ನು ಪೂರ್ಣಗೊಳಿಸಿ, ಬಳಿಕ ಬೈಲಹೊಂಗಲದಲ್ಲಿ ಕಾನೂನು ಪದವಿ ಪಡೆದರು. ನಂತರ ಹಳಿಯಾಳ ನ್ಯಾಯಾಲಯದಲ್ಲಿ 7 ವರ್ಷಗಳ ಕಾಲ ವಕೀಲ ವೃತ್ತಿ ನಡೆಸಿ ನ್ಯಾಯಾಂಗ ಸೇವೆಗೆ ತಯಾರಿ ನಡೆಸಿದರು. ನ್ಯಾ

ಯಾಂಗ ಪರೀಕ್ಷೆಯಲ್ಲಿ ಯಶಸ್ಸು ಸಾಧಿಸಿ ಇದೀಗ ಸಿವಿಲ್ ನ್ಯಾಯಾಧೀಶೆಯಾಗಿ ಆಯ್ಕೆಯಾಗಿದ್ದಾರೆ. ಬಡತನದಲ್ಲೂ ದೊಡ್ಡ ಕನಸುಗಳನ್ನು ಬಳಸಿ ಸಾಧನೆ ಮಾಡಬಹುದು  ಎಂಬುದಕ್ಕೆ ಅವರ ಜೀವನವೇ ಉದಾಹರಣೆಯಾಗಿದೆ. ಅವರ ಈ ಸಾಧನೆಗಾಗಿ ಬುಧವಾರ ಸಂಜೆ ದಾಂಡೇಲಿಯ ಲೋಕೋಪಯೋಗಿ ಇಲಾಖೆಯ ಪ್ರವಾಸಿ ಮಂದಿರದಲ್ಲಿ ನಡೆದ ಸನ್ಮಾನ ಕಾರ್ಯಕ್ರಮದಲ್ಲಿ ಅಖಿಲ ಭಾರತ ವಕೀಲರ ಒಕ್ಕೂಟ ಸೇರಿದಂತೆ, ಅರಣ್ಯ ಇಲಾಖೆ, ಪೋಲಿಸ್ ಇಲಾಖೆ ಮತ್ತು ವಿವಿಧ ಸಮಾಜಿಕ ಸಂಘಟನೆಗಳು, ಪ್ರತಿನಿಧಿಗಳು ಪದ್ಮಾವತಿಯವರನ್ನು ಶಾಲು ಹೊದಿಸಿ ಸ್ಮರಣಿಕೆ ನೀಡಿ ಗೌರವಿಸಿದರು. ಈ ಸಂದರ್ಭದಲ್ಲಿ ರತ್ನದೀಪಾ , ಸುಮಿತ್ರ ಉರೇಕುಂಡಿ, ಶೈಲಾ ನಾಮಧಾರಿ, ರಾಜಶೇಖರ ಎ.ಸಿಎಫ್ ಸಂತೋಷ ಚವ್ಹಾಣ, ಡಿ, ಸ್ಯಾಮಸನ್, ಪಿ.ಎಸ್‌.ಐ ಕಿರಣ ಪಾಟೀಲ್ ಮತ್ತಿತರರು ಉಪಸ್ತಿತರಿದ್ದರು.