ರಬಕವಿ-ಬನಹಟ್ಟಿ 21:  ಸಕ್ಕರೆ ಕಾರ್ಖಾನೆಗಳಿಗೆ ಕಬ್ಬು ಸಾಗಿಸುವ ಟ್ರ್ಯಾಕ್ಟರ್ ಸವಾರರು ಜನಬೀಡಿ ರಸ್ತೆಗಳಲ್ಲಿ ನಿಧಾನವಾಗಿ ಚಲಿಸಿ, ಯಾವುದೇ ರೀತಿಯ ಅಪಾಯಗಳಿಗೆ ಅವಕಾಶ ಕೊಡದೆ ಸಂಚರಿಸಬೇಕು. ರಾತ್ರಿ ಹೊತ್ತು ಗಾಡಿಗಳಳು ಹೆಚ್ಚಿನ ಸಂಖ್ಯೆಯಲ್ಲಿ ಸಂಚರಿಸುವುದರಿಂದ ಟ್ರ್ಯಾಲಿಗಳ ಹಿಂಬದಿ ಕಡ್ಡಾಯವಾಗಿ ರಿಫ್ಲೆಕ್ಟರ್‌ಗಳನ್ನು ಅಳವಡಿಸಬೇಕೆಂದು ಬನಹಟ್ಟಿ ನಗರದ ಪಿಎಸ್‌ಐ ಶಾಂತ ಹಳ್ಳಿ ಚಾಲಕರಿಗೆ ತಿಳಿಸಿದರು. ಅವರು ಬನಹಟ್ಟಿ ನಗರದ ಆಸಂಗಿ ಕ್ರಾಸ್ ಬಳಿ ಕಬ್ಬು ಸಾಗಿಸುವ ಟ್ರ್ಯಾಕ್ಟರ್‌ಗಳ ಟ್ರಾಲಿಗಳಿಗೆ ರಿಫ್ಲೆಕ್ಟರ್ ಅಳವಡಿಸಿ ಮಾಹಿತಿ ನೀಡಿದರು.  

ಹೆಚ್ಚಿನ ವಾಹನಗಳನ್ನು ರಾತ್ರಿಯಲ್ಲೇ ಕಬ್ಬು ಸಾಗಿಸುವುದರಿಂದ ಹಿಂಬದಿ ವಾಹನಗಳಿಗೆ ಚಲಿಸಲು ರಿಫ್ಲೆಕ್ಟರ್‌ಗಳ ಅಳವಡಿಕೆಯಿಂದ ಸಹಾಯವಾಗುತ್ತದೆ. ಚಾಲಕರು ತಮ್ಮ ವಾಹನಗಳಿಗೆ ರಿಫ್ಲೆಕ್ಟರ್ ಅಳವಡಿಸಲು ಸೂಚಿಸಿ, ಚಾಲಕರು ಎಲ್ಲ ರೀತಿಯ ಸುರಕ್ಷತೆಯ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ಬನಹಟ್ಟಿ ಪಿಎಸ್‌ಐ ಶಾಂತಾ ಹಳ್ಳಿ ಸೂಚನೆ ನೀಡಿದರು. ಕ್ರೈಂ ಪಿಎಸ್‌ಐ ಪಿ.ಬಿ.ಪೂಜಾರಿ, ಎಎಸ್‌ಐ ಎನ್‌.ಡಿ. ಐಯತವಾಡ ಮತ್ತು ಎಂ.ಎನ್‌.ಕಾಗವಾಡ  ಇದ್ದರು.