ಯಮಕನಮರಡಿ 22: ಸ್ಥಳೀಯ ಸರಕಾರಿ ಪದವಿ ಪೂರ್ವ ಕಾಲೇಜಿನ ರಾಷ್ಟ್ರೀಯ ಸೇವಾ ಯೋಜನೆಯ ವಿಶೇಷ ವಾರ್ಷಿಕ ಶಿಬಿರದ ಎರಡನೇ ದಿನ  ಹತ್ತರಗಿಯ ಕಾರೀಮಠದ ಆವರಣದಲ್ಲಿ ಸ್ವಚ್ಛತಾ ಕಾರ್ಯ ಕೈಗೊಂಡು ಆವರಣವನ್ನು ಅಚ್ಚುಕಟ್ಟಾಗಿ ಸ್ವಚ್ಛಗೊಳಿಸಿದರು. 

              ಈ ಸಂದರ್ಭದಲ್ಲಿ ಸ್ಥಳೀಯರಾದ ಹನುಮಂತ ಗಾಡಿ ವಡ್ಡರ್, ಕಾಂಗ್ರೆಸ್ ಮುಖಂಡರು ಪಾಂಡುರಂಗ ಗಾಡಿ ವಡ್ಡರ್‌ರವರು ಹಾಜರಿದ್ದು ಶಿಬಿರಾರ್ಥಿಗಳ ಸೇವೆಯನ್ನು ಮುಕ್ತ ಕಂಠದಿಂದ ಶ್ಲಾಘೀಸಿದರು. ಅದರಂತೆ ಶಿಬಿರದಲ್ಲಿ ಮದ್ಯಾಹ್ನದ ನಂತರ ವ್ಯಕ್ತಿತ್ವ ವಿಕಸನ ತರಬೇತಿ ಕಾರ್ಯಕ್ರಮವನ್ನು ನಿಮ್ಹಾನ್ಸ ನ ಎಪಿಡಿಮಿಯಾಲಜಿ ವಿಭಾಗ ಹಾಗೂ ಯುವ ಸ್ಪಂಧನ ಕೇಂದ್ರ ಬೆಳಗಾವಿ ಯುವ ಸಮಾಲೋಚಕರಾದ ಕುಮಾರ ಖೋತ, ಯುವ ಪರಿವರ್ತಕರಾದ ಸರಸ್ವತಿ ಗುರುಪಾದಗೋಳ  ಹಾಗೂ ಡಿ.ಎ.ಎಸ್‌.ಎಪ್‌.ಬೆಳಗಾವಿಯ ಬಾಳಯ್ಯ ಮಠಪತಿ ನಡೆಸಿಕೊಟ್ಟರು. 

            ಈ ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳಿಗೆ ವಿವಿಧ ಪ್ರಾಯೋಗಿಕ ಚಟುವಟಿಕೆಗಳ ಮೂಲಕ ಜೀವನ ಕೌಶಲ್ಯಗಳನ್ನು  ತಿಳಿಸಿಕೊಟ್ಟಿರುವುದು ವಿಶೇಷವಾಗಿತ್ತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಉಪನ್ಯಾಸಕ ಎ.ಎ.ಕಿವಂಡಾ ವಹಿಸಿದ್ದರು. ಕಾರ್ಯಕ್ರಮ ಅಧಿಕಾರಿ ಬಿ.ಬಿ.ಕೊಡ್ಲಿ ಸಹ ಕಾರ್ಯಕ್ರಮ ಅಧಿಕಾರಿ ಎಸ್‌.ಆರ್ ತಬರಿ ಈ ಸಂದರ್ಭದಲ್ಲಿ ಹಾಜರಿದ್ದರು. ಕಾರ್ಯಮವನ್ನು ಶಿಬಿರಾರ್ಥಿಗಳೆ ಸಂಘಟಿಸಿ ನಿರೂಪಣೆ ಹಾಗೂ ವಂದನೆಗಳನ್ನು ಸಲ್ಲಿಸಿದರು.