ರಾಷ್ಟ್ರೀಯ ಜಂತು ಹುಳು ನಿವಾರಣಾ ದಿನ-ಅಲ್ಬೆಂಡಜೋಲ್ ಮಾತ್ರೆ ವಿತರಣೆ 

ಹಾವೇರಿ 09::  ಪ್ರಸಕ್ತ ಸಾಲಿನ 17ನೇ ಸುತ್ತಿನ ರಾಷ್ಟ್ರೀಯ ಜಂತು ಹುಳು ನಿವಾರಣೆ ದಿನ (ಎನ್‌ಡಿಡಿ) ಕಾರ್ಯಕ್ರಮವನ್ನು ಇಂದು ಜಿಲ್ಲೆಯ ತಾಲೂಕು ಕೇಂದ್ರಗಳಲ್ಲಿ ಆಚರಿಸಲಾಗಿದೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ರಾಜೇಶ ಸುರಗೀಹಳ್ಳಿ ಅವರು ತಿಳಿಸಿದ್ದಾರೆ. 

ಜಿಲ್ಲೆಯಲ್ಲಿ ಈ ಕಾರ್ಯಕ್ರಮಕ್ಕೆ ಬೇಕಾಗುವ ಅಲ್ಬೆಂಡಾಜೋಲ್ ಮಾತ್ರೆಗಳು ಸಂಪೂರ್ಣ ಪ್ರಮಾಣದಲ್ಲಿ ಲಭ್ಯವಿದ್ದು, ಒಂದರಿಂದ ಆರು ವರ್ಷದ ಮಕ್ಕಳಿಗೆ ಅಂಗನವಾಡಿಗಳಲ್ಲಿ, ಆರರಿಂದ 16 ವರ್ಷದ ಮಕ್ಕಳಿಗೆ ಶಾಲೆಗಳಲ್ಲಿ ಹಾಗೂ 16 ರಿಂದ 19 ವರ್ಷ ಮಕ್ಕಳಿಗೆ ಕಾಲೇಜು ಮತ್ತು ಶಾಲೆಯಿಂದ ಹೊರಗುಳಿದ ಮಕ್ಕಳಿಗೆ ಅಂಗನವಾಡಿಗಳಲ್ಲಿ  ಅಲ್ಬೆಂಡಜೋಲ್ (ಂಟಛಜಟಿಜಚಿದಠಜ ) ಮಾತ್ರೆಗಳನ್ನು  ಉಚಿತವಾಗಿ ನೀಡಲಾಗುತ್ತದೆ.  

ಜಿಲ್ಲೆಯಲ್ಲಿ 5,00,713 ಮಕ್ಕಳನ್ನು ಗುತಿಸಲಾಗಿದ್ದು, ಈ ಪೈಕಿ ಬ್ಯಾಡಗಿ-459,19, ಹಾನಗಲ್‌-85,485, ಹಾವೇರಿ-86,456, ಹಿರೇಕೆರೂರ-74,133, ರಾಣೇಬೆನ್ನೂರ-1,03,559, ಸವಣೂರ-48,690, ಶಿಗ್ಗಾಂವ್‌-56,471 ಮಕ್ಕಳನ್ನು ಗುರುತಿಸಲಾಗಿದೆ.  ಡಿ.9 ರಂದು   ಒಂದರಿಂದ 19 ವರ್ಷದೊಳಗಿನ ಎಲ್ಲ ಮಕ್ಕಳಿಗೆ ಮಾತ್ರೆಗಳನ್ನು ನೀಡಲಾಗುವುದು ಗುರಿಹೊಂದಲಾಗಿದೆ. ಉಳಿದ ಮಕ್ಕಳಿಗೆ ದಿನಾಂಕ 16-12-2024 ರಂದು ಮಾಪ್‌-ಅಪ್ ದಿನವನ್ನಾಗಿ ಆಚರಿಸಿ ಆ ದಿನ ಮಾತ್ರೆ ನೀಡಲಾಗುತ್ತದೆ.  

ರಾಷ್ಟ್ರೀಯ ಆರೋಗ್ಯ ಅಭಿಯಾನದಡಿ ರಾಷ್ಟ್ರೀಯ ಜಂತುಹುಳು ನಿವಾರಣಾ ದಿನವನ್ನು ರಾಜ್ಯಾದ್ಯಂತ 2015-16ನೇ ಸಾಲಿನಿಂದ ಯಶಸ್ವಿಯಾಗಿ ಅನುಷ್ಠಾನಗೊಳಸಲಾಗುತ್ತಿದ್ದು, ಈ ಕಾರ್ಯಕ್ರಮದಡಿ ನಿಗದಿತ ದಿನದಂದು ಶಾಲೆ/ಕಾಲೇಜು ಹಾಗೂ ಅಂಗನವಾಡಿ ಕೇಂದ್ರಗಳ ಮುಖಾಂತರ ಒಂದರಿಂದ 19 ವರ್ಷದ ಎಲ್ಲಾ ಮಕ್ಕಳಿಗೆ ಜಂತುಹುಳು ನಿವಾರಣಾ ಮಾತ್ರೆಯನ್ನು ಉಚಿತವಾಗಿ ನೀಡುವ ಮುಖಾಂತರ ಮಕ್ಕಳನ್ನು ಜಂತುಹುಳು ಮುಕ್ತರನ್ನಾಗಿಸಲಾಗುತ್ತಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.