ನವದೆಹಲಿ, 13ವಿವಾದಿತ ಪೌರತ್ವ ತಿದ್ದುಪಡಿ ಮಸೂದೆ ವಿರೋಧಿಸಿ  ಅಸ್ಸಾಂನಲ್ಲಿ ಹಿಂಸಾಚಾರ  ಭುಗಿಲೆದ್ದ  ಹಿನ್ನೆಲೆಯಲ್ಲಿ ಇದೆ ಭಾನುವಾರದಿಂದ  ಭಾರತ ಪ್ರವಾಸ ಕೈಗೊಳ್ಳಬೇಕಾಗಿದ್ದ ಜಪಾನ್ ಪ್ರಧಾನಮಂತ್ರಿ ಶಿಂಜೋ  ಅಬೆ  ಪ್ರವಾಸವನ್ನು ಮುಂದೂಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.ಅಬೆ ಹಾಗೂ ಪ್ರಧಾನಮಂತ್ರಿ ನರೇಂದ್ರ ಮೋದಿ ನಡುವಣ ಶೃಂಗಸಭೆಯನ್ನು ಗುವಾಹಟಿಯಲ್ಲಿ ಆಯೋಜಿಸಲು ಯೋಜನೆ ರೂಪಿಸಲಾಗಿತ್ತು .ವಿವಾದಾತ್ಮಕ ಮಸೂದೆಯನ್ನು ವಿರೋಧಿಸಿ ತೀವ್ರ ಪ್ರತಿಭಟನೆ, ಹಿಂಸಾಚಾರ  ಭುಗಿಲೆದ್ದ ಕಾರಣ   ಯೋಜನೆಯ ನಿಗದಿತ ಯೋಜನೆ  ಪ್ರಕಾರ  15ರಿಂದ 17ರ ತನಕ ಗುವಾಹಟಿಯಲ್ಲಿ ಭಾರತ-ಜಪಾನ್ ಶೃಂಗ ಸಭೆ ನಡೆಯುವುದೆ ಅನುಮಾನವಾಗಿದೆ.  ಆದರೆ ಈ  ಕುರಿತು ಯಾವುದೇ ಸ್ಪಷ್ಟತೆ ಇಲ್ಲ ಎಂದು ವಿದೇಶಾಂಗ ವ್ಯವಹಾರ ಸಚಿವಾಲಯದ ವಕ್ತಾರ ರವೀಶ್ ಕುಮಾರ್ ತಿಳಿಸಿದ್ದಾರೆ. ಪ್ರಧಾನಮಂತ್ರಿ ನರೇಂದ್ರ ಮೋದಿ ಹಾಗೂ ಜಪಾನ್ ಪ್ರಧಾನಿ ಅಬೆ ನಡುವೆ ಶೃಂಗ ಸಭೆ ಇದೆ 15ರಿಂದ 17ರ ತನಕ ನಡೆಯಲಿದೆ ಎಂದು ಕುಮಾರ್ ಕಳೆದ ವಾರವಷ್ಟೆ  ಘೋಷಣೆ ಮಾಡಿದ್ದರು.