ರೈಲು ಬಡಿದು ಚಿರತೆ ಸಾವು 

ಕಾರವಾರ, 10 ; ರೈಲು ಬಡಿದು ಚಿರತೆ ಮೃತಪಟ್ಟ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.ಅಮದಳ್ಳಿ ಸಮೀಪದ ಜಡಿಗದ್ದೆ ಗ್ರಾಮದ ಪಕ್ಕಹಾದು ಹೋಗಿರುವ ಕೊಂಕಣ ರೈಲ್ವೆ ಮಾರ್ಗದಲ್ಲಿ ಈ ಘಟನೆ ನಡೆದಿದೆ. 

ಶುಕ್ರವಾರ ತಡರಾತ್ರಿ ರೈಲು ಚಿರತೆಗೆ ಬಡಿದಿರಬೇಕೆಂದು ಶಂಕಿಸಲಾಗಿದೆ. 

 ಅರಣ್ಯಾಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿದಾಗ ಚಿರತೆರೈಲು ಹಳಿಯ ಪಕ್ಕಬಿದ್ದಿತ್ತು ಎನ್ನಲಾಗಿದೆ.  

     ಮೃತ ಚಿರತೆ, ಗಂಡು ಚಿರತೆಯಾಗಿದೆ. ತೋಡೂರು ಜಡಿಗದ್ದಾ ಗ್ರಾಮಗಳು ಅರಣ್ಯದಂಚಿನ ಪ್ರದೇಶದಲ್ಲಿದ್ದು, ಆಹಾರ ಅರಸಿ ನಾಯಿಗಳನ್ನು ಬೇಟೆಯಾಡಲು ಚಿರತೆಗಳು ಗ್ರಾಮಗಳಿಗೆ ಪದೇ ಪದೇ ಬರುವುದು ಸಾಮಾನ್ಯ. ಈಚೆಗೆ ಚಿರತೆ ಗ್ರಾಮದಲ್ಲಿ ಕಾಣಿಸಿಕೊಂಡಿತ್ತು ಎಂದು ಜಡಿಗದ್ದೆ ಗ್ರಾಮಸ್ಥರು ಅರಣ್ಯಾಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಶನಿವಾರ ಬೆಳಗ್ಗೆ ಚಿರತೆಯ ಶವವನ್ನು ನೋಡಿದ ಗ್ರಾಮಸ್ಥರು ಅರಣ್ಯ ಸಿಬ್ಬಂದಿಗೆ ಮಾಹಿತಿ ನೀಡಿದರು. ತಕ್ಷಣವೇ ಆಗಮಿಸಿದ ಅರಣ್ಯಾಧಿಕಾರಿಗಳು, ಪೊಲೀಸ್ ಮತ್ತು ಗ್ರಾಮ ಪಂಚಾಯತ ಸಿಬ್ಬಂದಿ ಸಮ್ಮುಖದಲ್ಲಿ 

ಪಶು ವೈದ್ಯಾಧಿಕಾರಿ ಡಾ. ಓಂ ಪ್ರಕಾಶ ಮರಣೋತ್ತರ ಪರೀಕ್ಷೆ ನಡೆಸಿದರು. ನಂತರ ಜೆಎಂಎಫ್ ಸಿ ನ್ಯಾಯಾಧೀಶರ ಅನುಮತಿ ಪಡೆದು ಅರಣ್ಯ ಇಲಾಖೆ ವತಿಯಿಂದ ಚಿರತೆಯ ಸಂಸ್ಕಾರ ಮಾಡಲಾಯಿತು.