ಮುಳಗುಂದ  05: : ಇಲ್ಲಿನ ಸರ್ಕಾರಿ ಎರಡನೇ ನಂಬರ್ ಪ್ರಾಥಮಿಕ ಶಾಲೆಯಲ್ಲಿ ಮೂಲಭೂತ ಸೌಕರ್ಯಗಳ ಉದ್ಘಾಟನೆ ಕಾರ್ಯಕ್ರಮ ಇಂದು ನಡೆಯಲಿದೆ.ಮಾಹಿತಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸುತ್ತಿರುವ ಸಾಫ್ಟ್‌ ವೇರ್ ಇಂಜಿನಿಯರ್ಸ್‌ ಸೇರಿ ಸ್ಥಾಪಿಸಿರುವ ’ಪ್ರತಿಬಿಂಬ ಟ್ರಸ್ಟ್‌’,  ರಾಜ್ಯದ ವಿವಿಧ ಸರ್ಕಾರಿ ಶಾಲೆಗಳಲ್ಲಿ ಮೂಲಭೂತ ಸೌಕರ್ಯಗಳನ್ನು ಕಲ್ಪಿಸುವ ಅನುಕರಣೀಯ ಕೆಲಸ ಮಾಡುತ್ತಿದೆ.ಈಗಾಗಲೇ ನೂರಕ್ಕೂ ಹೆಚ್ಚು ಶಾಲೆಗಳಲ್ಲಿ ಮೂಲಭೂತ ಸೌಕರ್ಯ ಅಭಿವೃದ್ಧಿಗೆ ನೆರವು ನೀಡಿರುವ ’ಪ್ರತಿಬಿಂಬ ಟ್ರಸ್ಟ್‌’,  ಇದೀಗ ಉತ್ತರ ಕರ್ನಾಟಕದ ಸರ್ಕಾರಿ ಶಾಲೆಗಳಲ್ಲಿ ಗುಣಮಟ್ಟದ ಶಿಕ್ಷಣ ನೀಡುವ ನಿಟ್ಟಿನಲ್ಲಿ ತನ್ನ ಸಹಾಯ ಹಸ್ತ ಚಾಚಿದೆ.

                ಹಿರಿಯ ಸಾಫ್ಟ್‌ ವೇರ್ ಉದ್ಯೋಗಿ ಮುರಳಿ ವಿ ರಾವ್ ಅವರು ಅಧ್ಯಕ್ಷರಾಗಿರುವ ಪ್ರತಿ ಬಿಂಬ ಟ್ರಸ್ಟ್‌, ಗದಗ ಜಿಲ್ಲೆಯ ಮುಳುಗುಂದ ಗ್ರಾಮದ ಎರಡನೇ ನಂಬರ್ ಸರ್ಕಾರಿ ಶಾಲೆಗೆ ವಿವಿಧ ಮೂಲಭೂತ ಸೌಲಭ್ಯಗಳನ್ನು ಕಲ್ಪಿಸಿದೆ.ಇದೇ ಮಂಗಳವಾರ ನೂತನ ಸೇವೆಗಳ ಸಮರಾ​‍್ಣ ಕಾರ್ಯಕ್ರಮ ನಡೆಯಲಿದೆ.ಈ ಕಾರ್ಯಕ್ರಮದಲ್ಲಿ ಗದಗ ಜಿಲ್ಲೆ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ರಾಜು ಹೆಬ್ಬಳ್ಳಿ, ಹಿರಿಯ ಪತ್ರಕರ್ತ ಜಗದೀಶ್ ಕುಲಕರ್ಣಿ, ಸಾಹಿತಿ ಬಿ ಎಂ ಹರಪನಹಳ್ಳಿ, ಮುಳಗುಂದದ ಖ್ಯಾತ ವೈದ್ಯ ಡಾ ಸಿ ಎಸ್ ಚವಡಿ, ಶಿಕ್ಷಣ ಇಲಾಖೆ ಅಧಿಕಾರಿಗಳು, ಶಾಲೆಯ ಮುಖ್ಯ ಶಿಕ್ಷಕರಾದ ಶ್ಯಾಗೋಟಿ ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿರಲಿದ್ದಾರೆ.ಹಿರಿಯ ಪತ್ರಕರ್ತ ಹಾಗೂ ಕರ್ನಾಟಕ ಸ್ಟೇಟ್ ನ್ಯೂಸ್ ಡಿಜಿಟಲ್ ಮೀಡಿಯಾ ಸಂಸ್ಥೆಯ ಅಧ್ಯಕ್ಷ ಹನುಮೇಶ್ ಕೆ ಯಾವಗಲ್ ಅವರ ದಿ. ತಾಯಿ -ತಂದೆ   ರುಕ್ಮಿಣಿ ಬಾಯಿ ಹಾಗೂ ಕೃಷ್ಣ ರಾವ್ ಎಚ್ ಯಾವಗಲ್ ಅವರ ಸ್ಮರಣಾರ್ಥ ಪ್ರತಿಬಿಂಬ ಟ್ರಸ್ಟ್‌ ಈ ಮೂಲಭೂತ ಸೌಕರ್ಯಗಳನ್ನು ಕಲ್ಪಿಸಿದೆ.