ಸವದತ್ತಿ, 26 : ನಗರದಲ್ಲಿ ಮೊದಲಿಂದಲೂ ಹಿಂದೂ-ಮುಸ್ಲಿಂ ಭಾಂಧವರಲ್ಲಿ ಶಾಂತಿ ಸೌಹಾರ್ದತೆ ನೆಲೆಸಿದ್ದು ಸಂತಸದ ವಿಷಯವಾಗಿದೆ ಮುಂದೆಯೂ ಇದೇ ರೀತಿ ಹಬ್ಬಗಳನ್ನು ಆಚರಿಸಿ ಎಂದು ಪಿಐ ಸುರೇಶ ಬೆಂಡೆಗುಂಬಳ ಹೇಳಿದರು. ಇಲ್ಲಿನ ಮಾಮನಿ ಕಲ್ಯಾಣ ಮಂಟಪದಲ್ಲಿ ಹೋಳಿ, ರಂಜಾನ್ ಹಬ್ಬದ ಪ್ರಯುಕ್ತ ಬುಧವಾರ ನಡೆದ ಶಾಂತಿ ಸಭೆಯಲ್ಲಿ ಮಾತನಾಡಿದ ಅವರು, ನಾವು ಆಚರಿಸುವ ಹಬ್ಬ ಇತರರಿಗೆ ತೊಂದರೆ ಆಗಬಾರದು. ಯಾರ ಮೇಲೆಯೂ ಒತ್ತಾಯಪೂರ್ವಕವಾಗಿ ಬಣ್ಣ ಎರಚಬೇಡಿ. ವಾಟ್ಸಾಪ್, ಫೇಸ್ ಬುಕ್ ಮೂಲಕ ಅನ್ಯರಿಗೆ ನೋವಾಗುವಂತೆ ಫೋಟೋ, ವಿಡಿಯೋ ಹರಿ ಬಿಡಬಾರದು. ಪಾಲಕರು ತಮ್ಮ ಅಪ್ರಾಪ್ತ ಮಕ್ಕಳಿಗೆ ವಾಹನ ಚಾಲನೆಗೆ ಅವಕಾಶ ನೀಡಬಾರದು. ಕಾಮಣ್ಣನ ದಹನದ ವೇಳೆ ಮಕ್ಕಳ ಬಗ್ಗೆ ಜಾಗ್ರತೆ ಇರಲಿ. ಯಾವುದೇ ಸಂಶಯದ ನಡವಳಿಕೆ, ಎಲ್ಲಿ ಯಾವ ರೀತಿಯ ತೊಂದರೆ ಆದರೂ ತಕ್ಷಣ 112 ಗೆ ಕರೆ ಮಾಡಿ.  

   ಸಭೆಯಲ್ಲಿ ನಡೆದ ಎಲ್ಲ ವಿಷಯಗಳ ಬಗ್ಗೆ ಹಾಗೂ ಯಾವುದೇ ಅಹಿತಕರ ಘಟನೆ ನಡೆಯದಂತೆ ಎಚ್ಚರಿಕೆ ವಹಿಸುವಂತೆ ಯುವಕರಿಗೂ ಸಹ ಮುಖಂಡರು ತಿಳಿಸಬೇಕು. ಕಾನೂನು ಸುವ್ಯವಸ್ಥೆಯನ್ನು ಕಾಪಾಡುವಲ್ಲಿ ಎಲ್ಲರೂ ಸಹಕರಿಸಬೇಕು ಎಂದರು. ಸಭೆಯಲ್ಲಿ ಭಾಗವಹಿಸಿದ್ದ ಸಮಾಜದ ಮುಖಂಡರಾದ ಕೆ.ಕೆ.ಪುಣೆದ, ಲಕ್ಷ್ಮಣ ಕುಲಕರ್ಣಿ, ಭರಮಪ್ಪ ಅಣ್ಣಿಗೇರಿ, ಫಕ್ರುಸಾಬ ದೊಡಮನಿ, ಮಲ್ಲು ಬೀಳಗಿ ಮಾತನಾಡಿದರು.   ಈ ವೇಳೆ ಅಮೀರ ಗೊರಿನಾಯಕ, ರಾಘವೇಂದ್ರ ಪೂಜೇರ, ಬಾಬುಸಾಬ ನಾಶಿಪುಡಿ, ಹುಸೇನ ಗೊರವನಕೊಳ್ಳ, ಮೌಲಾಸಾಬ ತಬ್ಬಲಜ್ಜಿ, ದಿಲಾವರ ಸನದಿ, ದಿಲಾವರ ಮುಲ್ಲಾ, ಅರ್ಜುನ ಅಮೂಗಿ, ಯಲ್ಲಪ್ಪ ಬಡ್ಲಿ, ರಾಜು ಹಳಕಟ್ಟಿ, ಭೀಮಶಿ ಇಳಿಗೆರ, ಹಾಗೂ ಪ್ರಮುಖರು ಇದ್ದರು.