ಕಾರವಾರ 08:  ರಾಷ್ಟ್ರೀಯ ಹೆದ್ದಾರಿ 66 ರ ಲಂಡನ್ ಬ್ರಿಡ್ಜ್‌ ಬಳಿ ನಿಲ್ಲಿಸಿದ್ದ ಹಾಲಿನ ವಾಹನಕ್ಕೆ ಆಕಸ್ಮಿಕ ಬೆಂಕಿ ತಗುಲಿದ ಘಟನೆ  ನಡೆದಿದೆ. ಕಾರವಾರದ ಕೋಡಿಬಾಗ ಥಾಮ್ಸೆ ವಾಡದ ನಿವಾಸಿ ಸಂತೋಷಿ ಸತೀಶ್ ಚಿಪಕರ್ ಎಂಬುವವರಿಗೆ ಸೇರಿದ ಹಾಲು ಸಾಗಾಟ ವಾಹನ  ಶುಕ್ರವಾರ ರಾತ್ರಿ ಪ್ಲೈ ಓವರ್ ಕೆಳಗೆ  ನಿಲ್ಲಿಸಲಾಗಿತ್ತು. ಶನಿವಾರ  ಬೆಳಗ್ಗೆ  ಆಕಸ್ಮಿಕವಾಗಿ ವಾಹನದ  ಎಂಜಿನ್ ನಲ್ಲಿ ಬೆಂಕಿ ತಗಲಿ ವಾಹನ  ಹೊತ್ತಿ ಉರಿದಿದೆ. ತಕ್ಷಣ  ಸ್ಥಳಕ್ಕೆ ಆಗಮಿಸಿದ ಅಗ್ನಿಶಾಮಕ ಸಿಬ್ಬಂದಿಗಳು ಬೆಂಕಿ ನಂದಿಸಿದ್ದಾರೆ.    ವಾಹನದಲ್ಲಿ ಶಾರ್ಟ ಸರ್ಕ್ಯೂಟ್ ನಿಂದ ಬೆಂಕಿ ಹತ್ತಿರುವ ಸಾಧ್ಯತೆ ಇದೆ.  ಒಂದು ಲಕ್ಷ ರೂ.ಗಳಿಗೂ  ಹೆಚ್ಚು ಹಾನಿಯಾಗಿದ್ದು ಘಟನೆ ಸಂಬಂಧ ಕಾರವಾರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.