ಡಾ.ಬಾಬುಜಗಜೀವನ ರಾಂ ರವರ ಪುಣ್ಯಸ್ಮರಣೋತ್ಸವ  

ತಾಳಿಕೋಟಿ 06: ಪಟ್ಟಣದ ತಾಲೂಕ ಆಡಳಿತದ ವತಿಯಿಂದ ಹಸಿರು ಕ್ರಾಂತಿಯ ಹರಿಕಾರ ರಾಷ್ಟ್ರ ನಾಯಕ ಹಾಗೂ ಭಾರತದ ಮಾಜಿ ಉಪ ಪ್ರಧಾನಮಂತ್ರಿ ಡಾ.ಬಾಬು ಜಗಜೀವನ ರಾಮ್ ರವರ 39ನೇ ಪುಣ್ಯ ಸ್ಮರಣೋತ್ಸವ ಆಚರಿಸಲಾಯಿತು.  

ಪಟ್ಟಣದ ತಹಸಿಲ್ದಾರ್ ಕಾರ್ಯಾಲಯದ ಸಭಾಂಗಣದಲ್ಲಿ ತಾಲೂಕಾಡಳಿತ ವತಿಯಿಂದ ರವಿವಾರ ಹಮ್ಮಿಕೊಂಡ ಸ್ಮರಣೋತ್ಸವ ಕಾರ್ಯಕ್ರಮದಲ್ಲಿ ಶಿರಸ್ತೆದಾರ ಜೆ.ಆರ್‌.ಜೈನಾಪೂರ ಇವರ ನೇತೃತ್ವದಲ್ಲಿ ಡಾ.ಬಾಬು ಜಗಜೀವನ ರಾಂ ಅವರ ಭಾವಚಿತ್ರಕ್ಕೆ ವಿಶೇಷ ಪೂಜೆ ಸಲ್ಲಿಸಿ ಗೌರವ ನಮನ ಸಲ್ಲಿಸಲಾಯಿತು.  

ಸಮಾಜದ ಗಣ್ಯರಾದ ಬಸವರಾಜ ಬ.ಕಟ್ಟಿಮನಿ, ರಾಮಣ್ಣ ಕಟ್ಟಿಮನಿ, ಬಸ್ಸು ಕಟ್ಟಿಮನಿ, ಗೋಪಾಲ ಕಟ್ಟಿಮನಿ, ಯಮನಪ್ಪ ನಾಯ್ಕೋಡಿ, ರಮೇಶ ಇಲಕಲ್, ಪ್ರಕಾಶ ಶಿರೋಳ, ಕಾಶಿನಾಥ ಮಬ್ರೂಮಕರ್, ತಾಪಂ ಸಹಾಯಕ ನಿರ್ದೇಶಕಿ ಸುಜಾತಾ ಯಡ್ರಾಮಿ,ಸಿಆರ್ ಸಿ.ರಾಜು ವಿಜಾಪುರ, ಮುನ್ನಾ ಅತ್ತಾರ, ಸಮಾಜ ಕಲ್ಯಾಣ ಇಲಾಖೆಯ ಎಸ್‌.ಎನ್‌. ಮಲ್ಲಾಡೆ, ಎನ್‌.ವಿ.ಕೋರಿ, ಎಸ್‌.ಎಂ. ಕಲಬುರ್ಗಿ, ಶಿಕ್ಷಕೀಯರಾದ ಮಹಾನಂದಾ ಉಮರ್ಜಿ, ಸುಮಂಗಲಾ, ಸೋನಾರ ಹಾಗೂ ತಹಸಿಲ್ದಾರ್ ಕಾರ್ಯಾಲಯದ ಸಿಬ್ಬಂದಿಗಳು ಇದ್ದರು.