ಬೀಳಗಿ, 06 : ಇತ್ತಿಚ್ಚೇಗೆ ನೆಡೆದ ಕರ್ನಾಟಕ ನೀರಾವರಿ ನಿಗಮದ ಸಭೆಯಲ್ಲಿ ಚರ್ಚಿಸಿ ಈಗಾಗಲೇ ಮತಕ್ಷೇತ್ರದ ಅನವಾಲ ಏತ ನೀರಾವರಿ ಯೋಜನೆ ಕಾಮಗಾರಿ ಆರಂಭವಾಗಿದೆ. ಅಂದಾಜು ರೂ.175 ಕೋಟಿ ವೆಚ್ಚದ ಕಾಡರಕೊಪ್ಪ ಏತ ನೀರಾವರಿ ಯೋಜನೆಯೂ ಆರಂಭವಾಗಲಿದ್ದು, ಬೀಳಗಿ ಪಟ್ಟಣದ ರೈತರ 3000 ರಿಂದ 3500 ಎಕರೆ ಜಮೀನುಗಳಿಗೆ ನೀರು ಸರಬುರಾಜು ಮಾಡಲು ಅಂದಾಜು ರೂ.98.50 ಕೋಟಿ ವೆಚ್ಚದಲ್ಲಿ ಬೀಳಗಿ ಲಿಫ್ಟ್‌ ಇರಗೇಷನ್ ಯೋಜನೆ ಆರಂಭ ಆಗಲಿದೆ ಎಂದು ಶಾಸಕ ಜೆ ಟಿ ಪಾಟೀಲ್ ತಿಳಿಸಿದರು. 

      ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು ಬೀಳಗಿ ಪಟ್ಟಣದ ರೈತರು ಸೇರಿದಂತೆ ನಾಗರಾಳ, ಸಿದ್ದಾಪೂರ, ಕೊಂತಿಕಲ್ ಗ್ರಾಮಗಳ ರೈತರ ಜಮೀನುಗಳಿಗೆ ನೀರು ಪೂರೈಕೆ ಆಗಲಿದೆ ಘಟಪ್ರಭಾ ಎಡದಂಡೆ ಕಾಲುವೆ ಮುಖಾಂತರ ರೈತರ ಜಮೀನುಗಳಿಗೆ ಯಾವುದೇ ಭೂಸ್ವಾಧೀನ ಮಾಡದೇ ಪೈಪ್ ಲೈನ್ ಅಳವಡಿಸಿ ಭೂಮಿಗಳಿಗೆ ನೀರು ಸರಬರಾಜು ಮಾಡುವ ಯೋಜನೆ ಆಗಿದೆ. ಇದರಿಂದ ರೈತರಿಗೆ ಸಾಕಷ್ಟು ಅನುಕೂಲ ಆಗಲಿದೆ ಎಂದರು.