ವೂಹಾನ್, ಏ 24  ಭಾರತದ ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್ ಅವರು 2019ರ ಬ್ಯಾಡ್ಮಿಂಟನ್ ಏಷ್ಯಾ ಚಾಂಪಿಯನ್ಶಿಪ್ನ ಮೊದಲ ಸುತ್ತಿನ ಪಂದ್ಯದಲ್ಲಿ ಚೀನಾದ ಹ್ಯಾನ್ ಯು ಅವರ ವಿರುದ್ಧ ಗೆಲುವು ಸಾಧಿಸಿ ಶುಭಾರಂಭ ಮಾಡಿದ್ದಾರೆ. 

ಬುಧವಾರ ನಡೆದ ಪಂದ್ಯದಲ್ಲಿ ಸೈನಾ ನೆಹ್ವಾಲ್ ಅವರು 12-21, 21-11, 21-17 ಅಂತರದಲ್ಲಿ ಚೀನಾ ಆಟಗಾತರ್ಿಯನ್ನು ಸೋಲಿಸಿದರು. ಆ ಮೂಲಕ ಎರಡನೇ ಸುತ್ತಿಗೆ ಲಗ್ಗೆ ಇಟ್ಟರು. 

ಪಂದ್ಯದ ಆರಂಭಿಕ ಸೆಟ್ನಲ್ಲಿ ಉತ್ತಮ ಪೈಪೋಟಿ ನೀಡಿದ 19 ವರ್ಷದ ಹ್ಯಾನ್ ಯು, ವಿಶ್ವ ಒಂಬತ್ತನೇ ಶ್ರೇಯಾಂಕದ ಸೈನಾ ನೆಹ್ವಾಲ್ ಅವರನ್ನು 21-12 ಅಂತರದಲ್ಲಿ ಸೋಲಿಸಿದರು. ಬಳಿಕ ಎರಡನೇ ಸೆಟ್ನಲ್ಲಿ ಎಚ್ಚೆತ್ತುಕೊಂಡ ಸೈನಾ, ತಮ್ಮ ಅನುಭವ ಆಟದ ಮೂಲಕ ಚೈನೀಸ್ ಆಟಗಾತರ್ಿಯನ್ನು 21-17 ಅಂತರದಲ್ಲಿ ಮಣ್ಣು ಮುಕ್ಕಿಸಿದರು. 

ಅದೇ ಲಯ ಮುಂದುವರಿಸಿದ ಭಾರತದ ಆಟಗಾತರ್ಿ ಮೂರನೇ ಹಾಗೂ ಅಂತಿಮ ಸೆಟ್ನಲ್ಲಿ 21-17 ಅಂತರದಲ್ಲಿ ಗೆದ್ದು ಪಾರಮ್ಯ ಮೆರೆದರು.  

      " ಅಂಗಳದಲ್ಲಿ ತನ್ನ ತಪ್ಪುಗಳು ಮುಂದುವರಿದಿವೆ. ಪಂದ್ಯದಲ್ಲಿ ನಾನು ಸ್ವಲ್ಪ ಆಸಕ್ತಿ ಹೊಂದಿದ್ದೆ. ಕಳೆದ ವರ್ಷ ಸೈನಾ ನೆಹ್ವಾಲ್ ಅವರನ್ನು ಮಣಿಸಿದ್ದೆ. ಆದರೆ, ಈ ವರ್ಷದಲ್ಲಿ ಅವರ ವಿರುದ್ಧ ಆಡುವುದು ಕಠಿಣವಾಗಿದೆ. ಕೆಲವು ತಂತ್ರಗಳು ಅರಿವಿದ್ದರೂ ನನ್ನ ಆಟವನ್ನು ಬೆನ್ನಟ್ಟಲು ಕಷ್ಟವಾಯಿತು. " ಎಂದು ಪಂದ್ಯದ ಬಳಿಕ ಹ್ಯಾನ್ ಯು ಪ್ರತಿಕ್ರಿಯಿಸಿದರು.