ಕನ್ನಡ ಜಾಗೃತಿ ಸಮಿತಿಗೆ ಸುರೇಶ ಅಂಗಡಿ ನೇಮಕ 

ಹೂವಿನ ಹಡಗಲಿ  13 : ಕರ್ನಾಟಕ ಸರಕಾರದಿಂದ ವಿಜಯನಗರ ಜಿಲ್ಲಾ ಕನ್ನಡ ಜಾಗೃತಿ ಸಮಿತಿ ಸದಸ್ಯರನ್ನಾಗಿ ಕವಿ ಸಿಂಚನ ಪ್ರಕಾಶನದ ಸುರೇಶ್ ಅಂಗಡಿ ರವರನ್ನು ಸರ್ಕಾರ ನೇಮಕ ಮಾಡಿ ಆದೇಶ ಮಾಡಿದೆ.ಕಳೆದ ಹಲವು ವರ್ಷಗಳಿಂದ ಇವರ ಕನ್ನಡ ಹಾಗೂ ಜನಪರ ಸೇವೆ ಗುರುತಿಸಿ ಸರ್ಕಾರ ಸಮಿತಿ ಸದಸ್ಯರನ್ನಾಗಿ ನೇಮಿಸಲಾಗಿದೆ.ಸಿಂಚನ ಪ್ರಕಾಶನ ಬೀಚಿ ಗ್ರಂಥಾಲಯ ಬೆಂಬಲಿಗರ ಬಳಗದ ವತಿಯಿಂದ ತಾಲೂಕಿನ ಪ್ರೌಢಶಾಲೆಗಳಿಗೆ ಉತ್ತಮ ಅಭಿರುಚಿ ಓದಿನಲ್ಲಿ ಆಸಕ್ತಿ ಪ್ರೇರೇಪಿಸುವ ನಿಟ್ಟಿನಲ್ಲಿ ಸಾವಿರಾರು ಪುಸ್ತಕಗಳನ್ನು ಉಚಿತವಾಗಿ ಕೊಡುಗೆಯಾಗಿ ನೀಡಿದ್ದಾರೆ.ಇವರಿಂದ ಕನ್ನಡ ಕಟ್ಟುವ ಕೆಲಸ ನಿರಂತರವಾಗಿ ನೆಡೆಯಲಿ.ಇವರ ಅಧಿಕಾರ ಅವಧಿಯಲ್ಲಿ ಕನ್ನಡವನ್ನು ಉನ್ನತೀಕರಿಸಲು ಶ್ರಮಿಸಲಿ. ಅಲ್ಲದೆ ತಮ್ಮಿಂದ ಕನ್ನಡ ಅಭಿವೃದ್ಧಿ ಆಗಲಿ.ಅಭಿನಂದನೆ: ಕನ್ನಡ ಜಾಗೃತಿ ಸಮಿತಿಗೆ ಆಯ್ಕೆ ಆದ ಸುರೇಶ ಅಂಗಡಿ ರವರಿಗೆ ಕರ್ನಾಟಕ ಪ್ರೆಸ್ ಕ್ಲಬ್ ರಾಜ್ಯಾಧ್ಯಕ್ಷ ಎಂ ದಯಾನಂದ ಭಾರತೀಯ ಸರ್ವಧರ್ಮ ರಕ್ಷಣಾ ವೇದಿಕೆಯ ಅಧ್ಯಕ್ಷ ಬಿಚ್ಚುಗತ್ತಿ ಖಾಜಾ ಹುಸೇನ್ ತಾಲೂಕು ಪ್ರೌಢಶಾಲಾ ಮುಖ್ಯ ಗುರುಗಳ ಸಂಘದ ಅಧ್ಯಕ್ಷ ಜಿ ಎಂ ಕಾಂತೇಶ್ ಸಹ ಶಿಕ್ಷಕರ ಸಂಘದ ಅಧ್ಯಕ್ಷ ಎಂ ಶಿವಲಿಂಗಪ್ಪ ಬೀಚಿ ಗ್ರಂಥಾಲಯ ಬೆಂಬಲಿಗರ ಬಳಗದ ಮಾಜಿ ಅಧ್ಯಕ್ಷ ಎಂ ತವನಪ್ಪ ಮಲ್ಲಿಗೆ ಕಲಾ ಸಂಸ್ಥೆಯ ಎಲ್ ಖಾದರಬಾಷಾ ಚುಟುಕು ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ನಾಗರಾಜ ಮಲ್ಕಿಒಡೆಯರ್ ಇತರರು ಅಭಿನಂದಿಸಿದ್ದಾರೆ.