ಬೆಂಗಳೂರು, ಜೂ.4,ಇಂದು  ಖ್ಯಾತ ಗಾಯಕ, ಸಂಗೀತ ನಿರ್ದೇಶಕ  ಎಸ್‌.ಪಿ ಬಾಲಸುಬ್ರಮಣ್ಯಂ ಅವರು 74ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ.ಕೇವಲ  ಒಂದೇ ಭಾಷೆಗೆ ಸೀಮಿತವಾಗಿರದೇ, ತೆಲುಗು, ತಮಿಳು, ಕನ್ನಡ, ಮಲಯಾಳಂ ಹಿಂದಿ ಸೇರಿ ಭಾರತದ  15 ಭಾಷೆಗಳಲ್ಲಿ ಸುಮಾರು 40,000ಕ್ಕಿಂತ ಅಧಿಕ  ಹಾಡುಗಳಿಗೆ ಅವರು ಧ್ವನಿ  ಗೂಡಿಸಿದ್ದಾರೆ.ಇನ್ನು,  ಉತ್ತಮ ಹಿನ್ನೆಲೆ ಗಾಯನಕ್ಕಾಗಿ 6 ಬಾರಿ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ,  ಬಾಲಿವುಡ್  ಫಿಲ್ಮ್ ಫೇರ್ ಪ್ರಶಸ್ತಿ ಮತ್ತು 6 ಬಾರಿ ಫಿಲ್ಮ್ ಫೇರ್ ಪ್ರಶಸ್ತಿ (ಸೌತ್) ಪಡೆಯನ್ನು  ಅವರು ತಮ್ಮ‌ ಮುಡಿಗೇರಿಸಿಕೊಂಡಿದ್ದಾರೆ.ಅಲ್ಲದೇ, 2001ರಲ್ಲಿ ಪದ್ಮ ಶ್ರೀ ಮತ್ತು 2011ರಲ್ಲಿ ಪದ್ಮ ಭೂಷಣ ಪ್ರಶಸ್ತಿ ನೀಡಿ ಅವರನ್ನು ಗೌರವಿಸಲಾಗಿದೆ.ತಮ್ಮ  ನೆಚ್ಚಿನ ಗಾಯಕನ ಹುಟ್ಟುಹಬ್ಬಕ್ಕೆ ಅಭಿಮಾನಿಗಳು ಸೇರಿ ಬಹುಭಾಷಾ ಕಲಾವಿದರು  ಟ್ವಿಟರ್‌ನಲ್ಲಿ ಶುಭಕೋರುತ್ತಿದ್ದು #SPBalasubrahmanyam ಹ್ಯಾಷ್‌ಟ್ಯಾಗ್ ಟ್ರೆಂಡ್  ಆಗಿದೆ.ಸ್ಯಾಂಡಲ್ ವುಡ್ ಪವರ್  ಸ್ಟಾರ್ ಪುನೀತ್ ರಾಜ್ ಕುಮಾರ್, ಭಾರತದ ಬಹುಭಾಷಾ ಸುಪ್ರಸಿದ್ಧ ಹಿನ್ನೆಲೆ ಗಾಯಕರಾದ  ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಅವರಿಗೆ ಜನ್ಮ ದಿನದ ಶುಭಾಶಯ ಎಂದು ಟ್ವೀಟ್ ಮಾಡುವ ಮೂಲಕ  ಫೋಟೋ ಒಂದನ್ನು ಹಂಚಿಕೊಂಡಿದ್ದಾರೆ.