ಹಾಲು ಉತ್ಪಾದಕರ ಕಟ್ಟಡಕ್ಕೆ ಧರ್ಮಸ್ಥಳ ಯೋಜನೆಯಿಂದ 2 ಲಕ್ಷರೂ ನೀಡಿಕೆ

ಹಾವೇರಿ  05: : ತಾಲೂಕಿನ ಕನಕಪುರ ಗ್ರಾಮದ ಹಾಲು ಉತ್ಪಾದಕರ ಸಹಕಾರಿ ಸಂಘದ ಕಟ್ಟಡ ಕಾಮಗಾರಿಗೆ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯಿಂದ ರೂ 2ಲಕ್ಷರೂ ಮೊತ್ತದ ಮಂಜೂರಾತಿ ಪತ್ರವನ್ನು ಜಿಲ್ಲಾ ನಿರ್ದೇಶಕ ಶಿವರಾಯ ಪ್ರಭು ಸಂಘದ ಅಧ್ಯಕ್ಷ ಬಸವನಗೌಡ ಅವರಿಗೆ ವಿತರಿಸಿದರು. ಶಿವರಾಯ ಪ್ರಭು ಮಾತನಾಡಿ ಹೈನುಗಾರಿಕೆ ಅತ್ಯಂತ ಲಾಭದಾಯಕ ಸ್ವಉದ್ಯೋಗ ವಾಗಿದ್ದು, ಉತ್ತಮ ರೀತಿಯಲ್ಲಿ ಹೈನುಗಾರಿಕೆ ಮಾಡಿದರೆ ಕೃಷಿ ಅಭಿವೃದ್ಧಿಯೊಂದಿಗೆ ಆರ್ಥಿಕ ಅಭಿವೃದ್ಧಿ ಹೊಂದಲು ಅನುಕೂಲವಾಗುತ್ತದೆ. ಉತ್ತಮ ತಳಿಯ ಹಸುಗಳನ್ನು ಸಾಕಾಣಿಕೆ ಮಾಡಿಕೊಳ್ಳಬೇಕು ಎಂದು ಹೇಳಿದರು.  

ದೇವಸ್ಥಾನಗಳ ಜೀರ್ಣೋದ್ಧಾರ, ಸಮುದಾಯ ಭವನ, ರುದ್ರಭೂಮಿಯ ಅಭಿವೃದ್ಧಿ, ಶುದ್ಧ ಕುಡಿಯುವ ನೀರಿನ ವ್ಯವಸ್ಥೆ, ಕೆರೆಯ ಅಭಿವೃದ್ಧಿ ಮುಂತಾದ ಹತ್ತು ಹಲವಾರು ಕಾರ್ಯಕ್ರಮಗಳಿಗೆ ಅನುದಾನ ನೀಡಲಾಗುವುದು ಎಂದು ಅವರು ತಿಳಿಸಿದರು. ಜಿಲ್ಲಾ ಜನಜಾಗ್ರತಿ ವೇದಿಕೆಯ ಸದಸ್ಯ ರುದ್ರೇಶ್ ಚಿನ್ನಣ್ಣವರ್, ಯೋಜನಾಧಿಕಾರಿ ನಾರಾಯಣ್, ಸಹಕಾರಿ ಸಂಘದ ಪದಾಧಿಕಾರಿಗಳು ಹಾಗೂ ಮೇಲ್ವಿಚಾರಕಿ ದೀಪಾರಾಣಿ ಉಪಸ್ಥಿತರಿದ್ದರು.ಸ್ವಸಹಾಯ ಸಂಘಗಳಿಗೆ ಲಾಭಾಂಶ ವಿತರಣೆ ಹಾವೇರಿ ತಾಲೂಕಿನ ಅಗಡಿ ವಲಯದ ಬುದುಗಟ್ಟಿ ಗ್ರಾಮದ ಮೂರು ಸ್ವಸಹಾಯ ಸಂಘಗಳಿಗೆ ಸಾಂಕೇತಿಕವಾಗಿ ಲಾಭಾಂಶವನ್ನು ಯೋಜನೆ ನಿರ್ದೇಶಕ ಶಿವರಾಯ ಪ್ರಭು ವಿತರಿಸಿದರು. ಪ್ರಾದೇಶಿಕ ವಿಭಾಗದ ಯೋಜನಾಧಿಕಾರಿ ರಾಘವೇಂದ್ರ, ತಾಲೂಕ ಯೋಜನಾಧಿಕಾರಿ ನಾರಾಯಣ್, ವಲಯ ಮೇಲ್ವಿಚಾರಕ, ಸಂತೋಷ್, ಜಿಲ್ಲಾ ಜನಜಾಗ್ರತಿ ವೇದಿಕೆಯ ನಿಜಲಿಂಗಪ್ಪ ಬಸೇಗೆಣ್ಣಿ, ಜಿಲ್ಲಾ ಪ್ರಬಂಧಕ ಮುರುಘೇಶ್, ಸೇವಾ ಪ್ರತಿನಿಧಿ ಸಂಗೀತ ಹಾಗೂ ಫಲಾನುಭವಿ ಸದಸ್ಯರು ಉಪಸ್ಥಿತರಿದ್ದರು