ದಾಂಡೇಲಿ - 21 : ಪ್ರತಿಯೊಬ್ಬ ಮಹಿಳೆಯು ಸ್ವ ಉದ್ಯೋಗದ ಮೂಲಕ ಸ್ವಾವಲಂಬಿಯಾಗಿ ತಮ್ಮ ಕುಟುಂಬ ಶ್ರೇಯೋಭಿವೃದ್ದಿಗೆ ಹೆಚ್ಚಿನ ಗಮನ ಕೊಡಬೇಕು ಎಂದು ದಾಂಡೇಲಿಯ  ವೆಸ್ಕೋ ಲೇಡಿಸ್ ಕ್ಲಬ್ ಅಧ್ಯಕ್ಷರಾದ ಸೀಮಾ ಶರ್ಮಾ ಜ್ಯೋತಿ ಬೆಳಗಿಸಿ,15 ದಿನಗಳ ಬ್ಯೂಟಿ ಪಾರ್ಲರ್ ಮ್ಯಾನೇಜ್‌ಮೆಂಟ ತರಬೇತಿ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು. ಈ ಕಾರ್ಯಕ್ರಮವನ್ನು ಕೆನರಾ ಬ್ಯಾಂಕ್ ಆರ್‌.ಸೆ.ಟಿ. ಮತ್ತು ವೆಸ್ಟ ಕೋಸ್ಟ ಪೆೇಪರ್‌ಮಿಲ್ ಸಹಯೋಗದಲ್ಲಿ ಆಯೋಜಿಸಲಾಗಿದೆ. ವೆಸ್ಟ ಕೋಸ್ಟ ಪೆೇಪರ್‌ಮಿಲ್‌ನ ಡಿ.ಜಿ.ಎಮ್ ರಾಘವೇಂದ್ರ ರಾವ್ ಮುಖ್ಯ ಅತಿಥಿಗಳಾಗಿ ಕಳೆದ ಮೂರಾ​‍್ನಲ್ಕು ವರ್ಷಗಳಿಂದ ಕಾಗದ ಕಾರ್ಖಾನೆಯು ಸಿ.ಎಸ್‌. ಆರ್‌. ಯೋಜನೆಯಡಿ  ವಿವಿಧ ಕಾರ್ಯಕ್ರಮಗಳನ್ನು ಜನರಿಗೆ ಉಪಯುಕ್ತವಾಗುವ ರೀತಿಯಲ್ಲಿ ಅನುುಷ್ಠಾನಗೊಳಿಸಲಾಗುತ್ತದೆ ಎಂದು ನುಡಿದರು. ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದ ಲೇಡಿಸ್ ಕ್ಲಬ್ ಕಾರ್ಯದರ್ಶಿ ಜಿಗಲಿ ಮೈತ್ರಾ, ಭಾವನಾ ರಾಠಿ, ಸಾಂದರ್ಭಿಕವಾಗಿ ಮಾತನಾಡಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕೆನರಾ ಬ್ಯಾಂಕ್, ದೇಶಪಾಂಡೆ ಆರ್‌.ಸೆಟಿ ಹಳಿಯಾಳ ನಿರ್ದೇಶಕರಾದ ಪ್ರಶಾಂತ ಬಡ್ಡಿ ವಹಿಸಿದ್ದರು. ವೇದಿಕೆಯಲ್ಲಿ  ಯೋಜನಾ ಸಂಯೋಜಕರಾದ ವಿನಾಯಕ ಚವ್ಹಾಣ, ಪಿ.ಆರ್‌.ಓ ಖಲೀಲ್ ಕುಲಕರ್ಣಿ, ಸಂಜುವರ್ಮಾ ಜೋಶಿ, ಅಂದನಪ್ಪಾ ಅಂಗಡಿ, ನಾರಾಯಣ ವಾಡ್ಕರ್, ಮಹೇಶ ಹೊಸಕೊಪ್ಪ ಮತ್ತಿತರರು ಉಪಸ್ಥಿತರಿದ್ದರು.