ನವದೆಹಲಿ, ಡಿ20:      ಚಿನ್ನ ಮತ್ತು ವಜ್ರಾಭರಣ ವಲಯದಲ್ಲಿನ ನಡೆದಿರುವ ಕಾರ್ಯವನ್ನು ಶ್ಲಾಘಿಸಿರುವ ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪಿಯೂಷ್ ಗೋಯಲ್ ಅವರು, ಈ ವಲಯದಲ್ಲಿನ ವಹಿವಾಟು ಸದ್ಯದ 40 ಶತಕೋಟಿ ಡಾಲನರ್ಿಂದ 75 ಶತಕೋಟಿ ಡಾಲರ್ ಗುರಿ ಸಾಧಿಸಬೇಕಾಗಿದೆ ಎಂದು ಕರೆ ನೀಡಿದ್ದಾರೆ.  

ಬುಧವಾರ 46ನೇ ಭಾರತೀಯ ವಜ್ರ ಮತ್ತು ಚಿನ್ನಾಭರಣ ಪ್ರಶಸ್ತಿ ಪ್ರಧಾನ ಸಮಾರಂಭದಲ್ಲಿ ಮಾತನಾಡಿದ ಅವರು, ವ್ಯಾಪಾರದಲ್ಲಿ ಭಾರತೀಯ ಚಿನ್ನ ಮತ್ತು ವಜ್ರಾಭರಣ ವಲಯ ಪ್ರಗತಿಗೆ ಮತ್ತು ಉದ್ಯೋಗ ಸೃಷ್ಟಿಗೆ ಅಪಾರ ಅವಕಾಶಗಳಿವೆ ಎಂದು ಹೇಳಿದ್ದಾರೆ.  

75 ಶತಕೋಟಿ ಡಾಲರ್ ಗುರಿಮುಟ್ಟಲು ಈ ವಲಯಕ್ಕೆ ಕೈಗಾರಿಕಾ ಮತ್ತು ವಾಣಿಜ್ಯ ಸಚಿವಾಲಯ ಎಲ್ಲ ನೆರವು ನೀಡಲಿದೆ ಎಂದು ಅವರು ಭರವಸೆ ನೀಡಿದ್ದಾರೆ.  

ಚಿನ್ನಾಭರಣಕ್ಕೆ ಭಾರತೀಯ ವಜ್ರ ಮತ್ತು ಚಿನ್ನಾಭರಣ ವಲಯ ಜಾಗತಿಕ ಕೇಂದ್ರವಾಗಿದ್ದು, ಇದು ದೇಶದ ಒಟ್ಟು ಜಿಡಿಪಿಗೆ ಸುಮಾರು ಶೇ7ರಷ್ಟು ಕೊಡುಗೆ ನೀಡುತ್ತದೆಯಲ್ಲದೆ, ಭಾರತದ ಒಟ್ಟು ಸರಕು ರಫ್ತಿನಲ್ಲಿ ಶೇ 15ರಷ್ಟು ಪಾಲು ಹೊಂದಿದೆ.  

ಚಿನ್ನ, ವಜ್ರಾಭರಣ ರಫ್ತುದಾರರಿಗೆ ಸಾಲ ಲಭ್ಯತೆ ಹೆಚ್ಚಿಸಲು ಮತ್ತು ಸಾಲ ಪಡೆಯುವ ಪ್ರಕ್ರಿಯೆ ಸುಲಭವಾಗಿಲು ಸರ್ಕಾರ ಶೀಘ್ರವೇ ನಿರ್ವಾಕ್ ಯೋಜನೆಯನ್ನು ಆರಂಭಿಸಲಿದ್ದು, ಉದ್ಯಮಿಗಳು ಇದರ ಗರಿಷ್ಠ ಲಾಭ ಪಡೆಯಬೇಕು ಎಂದು ಪಿಯೂಷ್ ಗೋಯಲ್ ಹೇಳಿದರು.