ಶಿಗ್ಗಾವಿ 22: ಮಾನವನ ಸುಗಮ ಬದುಕಿಗೆ ಯೋಗ ಮತ್ತು ನಮ್ಮ ಸುತ್ತಮುತ್ತಲಿನ ಪರಿಸರ ಬಹಳಷ್ಟು ಸಹಕಾರಿಯಾಗಿದೆ ಎಂದು ಶಿಗ್ಗಾವಿ ವಿರಕ್ತಮಠದ ಸಂಗನಬಸವ ಮಹಾಸ್ವಾಮಿಜಿ ಹೇಳಿದರು. 

ಪಟ್ಟಣದ ಪೀನೀಕ್ಸ್‌ ಇಂಟರ್ನ್ಯಾಷನಲ್ ಶಾಲೆಯಲ್ಲಿ ಹಮ್ಮಿಕೊಂಡ ವಿಶ್ವ ಯೋಗ ದಿನ ಹಾಗೂ ವಿಶ್ವ ಪರಿಸರ ದಿನಾಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು ಮನುಷ್ಯನ ಆರೋಗ್ಯ ಕ್ಷೀಣಿಸುತ್ತಿದೆ ಬದುಕನ್ನು ಸಾಗಿಸುವ ರೀತಿ ಬದಲಾಗುತ್ತಿದೆ, ಆದ್ದರಿಂದ ಪರಿಸರ ಖಾಳಜಿ ಜೊತೆಗೆ ಯೋಗದ ಮಹತ್ವ ಅರಿಯಬೇಕಿದೆ, ಧರ್ಮದ ತಳಹದಿ ಮರೆತ್ತಿದ್ದೇವೆ, ಕರ್ಮಯೋಗಗಳ ಮಹತ್ವ ತಿಳಿದು ಬದುಕನ್ನ ಆರೋಗ್ಯಯುತವಾಗಿ ಕಳೆಯಬೇಕಿದೆ, ವಿದ್ಯೆಯನ್ನ ಎಷ್ಟೇ ಕಲಿತರೂ ಬುದ್ದಿ ನಿಖರವಾಗಿ, ನಿಷ್ಟುರವಾಗಿ ಇಟ್ಟುಕೊಳ್ಳಬೇಕಿದೆ, ಮಂತ್ರಗಳ ಪಠಣ, ಯೋಗಾಬ್ಯಾಸ ಮಾಡುವುದರಿಂದ ಮನುಷ್ಯನ ದೇಹದ ಸಮತೋಲನಕ್ಕೆ ಸಹಕಾರಿಯಾಗುತ್ತದೆ ಎಂದರು.  ಸಂಸ್ಥೆ ಉಪಾಧ್ಯಕ್ಷ ನರಹರಿ ಕಟ್ಟಿ ಮಾತನಾಡಿ ಭಾರತ ದೇಶ ಸಂಪದ್ಭರಿತ ದೇಶವಾಗಿದೆ, ಪರಿಸರವನ್ನ ನಾವು ಯಾವ ರೀತಿ ನೋಡಿಕೊಳ್ಳುತ್ತೇವೆಯೋ ಹಾಗೆಯೇ ನಮ್ಮನ್ನ ಪರಿಸರ ಖಾಳಜಿ ಮಾಡುತ್ತದೆ ಎಂದರು,ಯೋಗದ ಮಹತ್ವವನ್ನ ಪ್ರಧಾನಿ ಮೋದಿಯವರು ಇಡಿ ವಿಶ್ವಕ್ಕೆ ತಿಳಿಸಿದರು. ಯೋಗದ ಮಹತ್ವ ಇಂದಿನ ಯುವ ಸಮೂಹಕ್ಕೆ ಸಹಕಾರಿಯಾಗಿದ್ದು ಆರೋಗ್ಯಯುತ ಜೀವನಕ್ಕೆ ನಾಂದಿಯಾಗಿದೆ ಎಂದರು.  ಕಾರ್ಯಕ್ರಮದಲ್ಲಿ ಶಿಕ್ಷಕ ಶಿವಯೋಗಿ ಹಿರೇಮಠ ಸೇರಿದಂತೆಶಾಲೆಯ ವಿದ್ಯಾರ್ಥಿಗಳು ವಿಶ್ವ ಪರಿಸರ ದಿನಾಚರಣೆ ಹಾಗೂ ವಿಶ್ವ ಯೋಗ ದಿನಾಚರಣೆ ಕುರಿತು ಅಭಿಪ್ರಾಗಳನ್ನು ಹಂಚಿಕೊಂಡರು.   

ಪಿನಿಕ್ಸ ಸಮೂಹ ಸಂಸ್ಥೆ ಅಧ್ಯಕ್ಷ ಡಾ.ಎಂ.ಎಂ.ತಿರ್ಲಾಪೂರ, ಕಾರ್ಯದರ್ಶಿ ಡಾ. ರಾಣಿ ಎಂ ತಿರ್ಲಾಪೂರ, ಯೋಗ ಶಿಕ್ಷಕಿರಾದ ಶೋಭಾ ಅಳಗವಾಡಿ,ಗೋಧಾವರಿ ಭಟ್, ಉಪ ಪ್ರಾಚಾರ್ಯ ಗಿರಿಧರ ಯಲ್ಲಮ್ಮ ಸೇರಿದಂತೆ ಶಾಲೆಯ ಉಳಿದ ಶಿಕ್ಷಕರು, ಸಿಬ್ಬಂದಿ ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.