ಹಾವೇರಿ 10 : ನಗರದ ವಿವಿಧ ಪಾರ್ಕ್‌ ಗಳಲ್ಲಿ ನಗರಸಭೆ ವತಿಯಿಂದ ಸಸಿ ನೆಡುವ ಮೂಲಕ     ವಿಶ್ವ ಪರಿಸರ ದಿನಾಚರಣೆ ಆಚರಿಸಲಾಯಿತು.ನಗರಸಭೆ ಪೌರಾಯುಕ್ತರಾದ  ಹೆಚ್ ಕಾಂತರಾಜು ಮಾತನಾಡಿ ಉತ್ತಮ ಪರಿಸರ ನಿರ್ಮಾಣಕ್ಕೆ ಹೆಚ್ಚು ಸಸಿಗಳನ್ನು ನೆಡಲು ಸಾರ್ವಜನಿಕರು ಮುಂದಾಗಬೇಕು. ಆರೋಗ್ಯವೇ ಭಾಗ್ಯ ಎಂಬಂತೆ ಆರೋಗ್ಯಯುತ ಬದುಕಿಗೆ ಉತ್ತಮ ಪರಿಸರ ಬೇಕಾಗುತ್ತದೆ. ನಗರಸ ಸುಂದರ ನೋಟಕ್ಕೂ ಸಸಿಗಳನ್ನು ಬೆಳೆಸುವ ಕೆಲಸ ಮಾಡಬೇಕಿದೆ. ಪರಿಸರ ಸಂರಕ್ಷಣೆ ನಮ್ಮೆಲ್ಲರ ಜವಾಬ್ದಾರಿಯಾಗಿದೆ. ಈ ನಿಟ್ಟಿನಲ್ಲಿ ಸಾರ್ವಜನಿಕರು ಪರಿಸರ ಸ್ನೇಹಿ ವಾತಾವರಣ ನಿರ್ಮಿಸಲು ಸಹಕಾರ ನೀಡಬೇಕೆಂದು ಕೋರಿದರು.  ಆರೋಗ್ಯ ಕಿರಿಯ ನೀರೀಕ್ಷಕರಾದ  ರಮೇಶ  ಮುಂಜೋಜಿ ಮಾತನಾಡಿ ನಗರದಲ್ಲಿ ಉತ್ತಮ ಪರಿಸರ ವ್ಯವಸ್ಥೆಗೆ ಸ್ವಚ್ಚತೆ ಬಹಳ ಮುಖ್ಯ ಎಲ್ಲೆಂದರಲ್ಲಿ ಕಸ ಎಸೆಯದೇ ನಗರಸಭೆ ವಾಹನ ಬಂದಾಗ ಹಾಕಬೇಕಾಗಿದೆ.ನಗರದ ಸ್ವಚ್ಚತೆ ಹಾಗೂ ಉತ್ತಮ ಪರಿಸರ ನಿರ್ಮಾಣಕ್ಕೆ ನಗರಾಡಳಿತಕ್ಕೆ  ಸಹಕಾರ ನೀಡರಿ ಎಂದರು.ಈ ಸಂದರ್ಭದಲ್ಲಿ ನಗರಸಭೆ ಸಿಬ್ಬಂದಿಗಳಾದ  ರೂಪಾ ನಾಯ್ಕರ್, ಗೀರೀಶ ಹರವಿ, ತಬಸುಮ ಬಾನು ಎಸ್ ಕೆ ಮತ್ತು ಎಲ್ಲಾ ಕಮ್ಯುನಿಟಿ ಮೊಬೈಲೈಸರ್ ಗಳು ಭಾಗವಹಿಸಿದ್ದರು.