ಹಾವೇರಿ 04: :ಜಿಲ್ಲೆಯ ಮೊಟೆಬೆನ್ನೂರಿನ ಬಳ್ಳಾರಿ ರುದ್ರಪ್ಪ ಶಿಕ್ಷಣ ಸಂಸ್ಥೆ ಶಿಕ್ಷಣ ಮಹಾವಿದ್ಯಾಲಯದಲ್ಲಿ ಹಾವೇರಿ ವಿಶ್ವವಿದ್ಯಾಲಯ ಹಾವೇರಿ,ಎನ್‌ಎಸ್‌ಎಸ್  ಕೋಶ ಮೋಟೆಬೆನ್ನೂರು.ಬಳ್ಳಾರಿ ರುದ್ರಪ್ಪ ಓಷಧೀಯ ಮಹಾವಿದ್ಯಾಲಯ ಮೋಟೆಬೆನ್ನೂರು,ಹಾವೇರಿ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆ ಹಾವೇರಿ,ಜಿಲ್ಲಾ ರಕ್ತ ಕೇಂದ್ರ ಇವರ ಸಯುಕ್ತಾಶ್ರಯದಲ್ಲಿ ಸ್ವಯಂ ಪ್ರೇರಿತ ರಕ್ತದಾನ ಶಿಬಿರ ಕಾರ್ಯಕ್ರಮ ಅತ್ಯಂತ ಯಶಸ್ವಿಯಾಗಿ ಜರುಗಿತು.ವಿಶೇಷವಾಗಿ ಮಹಿಳಾ ವಿದ್ಯಾರ್ಥಿನಿಯರು ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ರಕ್ತದಾನವನ್ನು ಮಾಡಿದರು.ಜಿಲ್ಲೆಯಲ್ಲಿ ಅತಿ ಹೆಚ್ಚು ಮಹಿಳೆಯರು ರಕ್ತದಾನವನ್ನು ಮಾಡಿದ್ದು ದಾಖಲೆಯಾಗಿದೆ. 

ಬಳ್ಳಾರಿ ಸಂಸ್ಥೆಯ ಸಂಸ್ಥಾಪಕರು ಹಾಗೂ ಮಾಜಿ ಬ್ಯಾಡಗಿ ವಿಧಾನಸಭಾ ಶಾಸಕರಾದ ವಿರುಪಾಕ್ಷಪ್ಪ ಬಳ್ಳಾರಿ ಅವರು ಅಧ್ಯಕ್ಷತೆವಹಿಸಿದ್ದರು.ಸಂಸ್ಥೆಯ ಕಾರ್ಯದರ್ಶಿಗಳಾದ ಷಣ್ಮುಖಪ್ಪ ಬಳ್ಳಾರಿ ಹಾಗೂ ಸಂಸ್ಥೆಯ ಖಜಾಂಚಿಗಳಾದ ಚನ್ನವೀರ​‍್ಪ ಬಳ್ಳಾರಿ,ರಕ್ತ ಕೇಂದ್ರ ವೈದ್ಯಾಧಿಕಾರಿ ಡಾ ಸುಧಾ,ರಕ್ತ ಕೇಂದ್ರ ತಾಂತ್ರಿಕ ಅಧಿಕಾರಿ ಬಸವರಾಜ ಕಮತದ, ಬ್ಯಾಡಗಿ ರಕ್ತ ಶೇಖರಣ ಘಟಕದ ಶಶಿಕುಮಾರ ಶಿಮೊಗ್ಗಿ, ಸಿದ್ದು ಹಿರಗಣ್ಣನವರ,ಈರಣ್ಣ ಆರ್‌ಸಿ,ಕಾಲೇಜಿನ ಪ್ರಾಚಾರ್ಯರಾದ ಪ್ರೊ.ಎಂ ಸುರೇಶ, ಡಾ.ರೇಣುಕಾರಾಧ್ಯ ಚಿಟ್ಟಿ ಹಾಗೂ ಕಾಲೇಜಿನ ಬೋಧಕರು ಬೋಧಕೇತರ ಸಿಬ್ಬಂದಿಯವರು ಕಾಲೇಜಿನ ವಿದ್ಯಾರ್ಥಿಗಳು ರಕ್ತದಾನ ಶಿಬಿರದಲ್ಲಿ ಭಾಗವಹಿಸಿ ಯಶಸ್ವಿಗೊಳಿಸಿದರು.